Nahas Abdulsalam

 

Genre : Drama 

Duration : 2h 30m 

My Rating : ★★★☆☆ 1/2

 

🔻"Lokesh Kanakaraj" ഈ ഒരൊറ്റ പേര് തന്നെയായിരുന്നു ഈ സിനിമയുടെ ഏറ്റവും വലിയ ആകർഷണം , പറഞ്ഞ് മടുത്ത പ്ലോട്ടുകളിൽ പോലും തൻ്റേതായ വ്യക്തി മുദ്ര പതിപ്പിച്ച് ആസ്വാദകരെയും സിനിമയെയും മറ്റൊരു തലത്തിലേക്ക് എത്തിക്കാൻ കെൽപ്പുള്ള സൗത്ത് ഇന്ത്യയിലെ തന്നെ മുൻ നിര സംവിധായകരിൽ ഒരാൾ, കൂടെ ഇന്ത്യയിലെ തന്നെ ഏറ്റവും വലിയ താര മൂല്യമുള്ള വിജയിയെ പോലെ ഒരു നടനും ഈ ഒരു കോംബോ തന്നെ ധാരാളമായിരുന്നു തീയേറ്ററുകൾ പൂര പറമ്പാകുവാൻ പക്ഷേ ഇത്രയും നാൾ കെട്ടി പടുത്ത ഹൈപ്പിന് ഈ സിനിമ മുതൽ ആണോ ?? എന്ന ചോദ്യത്തിന് അല്ല എന്ന് തന്നെയാണ് ഉത്തരം ,അതിഗംഭീരമായി കഥ പറഞ്ഞ ആദ്യ പകുതിയും ഏറെ പ്രതീക്ഷകൾ ആരാധകർക്ക് നൽകി ആവറേജ് ആയി മാറിയ രണ്ടാം പകുതിയുമാണ് ചിത്രത്തിനുള്ളത്

🔻ഹിമാചൽ പ്രദേശിലെ ഒരു സാധാരണ ഗ്രാമത്തിൽ അനിമൽ റസ്‌ക്യുവറും കോഫി ഷോപ്പ് ഉടമയുമാണ് പാർത്ഥിപൻ , താനും തൻ്റെ ചെറിയ കുടുംബവും ആ ഗ്രാമത്തിൽ തന്നെയാണ് താമസവും അങ്ങനെ സന്തോഷവും സമാധാനവും നിറഞ്ഞ ജീവിതം നയിച്ചു കൊണ്ടിരുന്ന പാർത്ഥിയുടെ ജീവിതത്തിൽ അപ്രത്യക്ഷമായി ഒരു സംഭവം ഉണ്ടാവുകയും അതോട് കൂടെ അയാൾ ആ നാട്ടിലെ ചെറിയൊരു ഹീറോ ആയി മാറുകയും ചെയ്യുന്നു എന്നാൽ ആ ഒരു സംഭവം പാർത്ഥിയുടെയും കുടുംബത്തിൻ്റെയും ജീവിതം തന്നെ മാറ്റിമറിക്കുന്നു 20 വർഷങ്ങൾക്ക് മുൻപ് മരിച്ചുപോയ ലിയോ ദാസ് ആണ് എന്ന സംശയത്തോടെ പാർത്ഥിയെ അന്വേഷിച്ചു ദാസ് ആൻഡ് കോ എന്ന പുകയില മാഫിയ തലവൻ ആൻ്റണി ദാസ് ഹിമാചലിൽ എത്തുന്നതോടെ സിനിമ വേറെ ഒരു തലത്തിലേക്ക് എത്തുന്നു തുടർന്നുണ്ടാവുന്ന സംഭവ വികാസങ്ങളും ആരാണ് ലിയോ ദാസ് ? പാർത്ഥിപനും ലിയോ ദാസും തമ്മിൽ എന്തെങ്കിലും ബന്ധമുണ്ടോ?? ആൻ്റണി ദാസും സഹോദരൻ ഹെറാൾഡ് ദാസും എന്തിനാണ് ലിയോയെ അന്വേഷിച്ച് നടക്കുന്നത് തുടങ്ങി ഒട്ടനവധി ചോദ്യങ്ങളുടെ ഉത്തരമാണ് സിനിമയുടെ സാരാംശം

🔻പാർത്ഥിപൻ എന്ന സാധാരണക്കാരൻ കോഫി ഷോപ്പ് ഉടമയായി തമിഴ് സൂപ്പർ സ്റ്റാർ ദളപതി വിജയ് അവിസ്മരണീയമായ പ്രകടനമാണ് കാഴ്ച വെച്ചത് അദ്ദേഹത്തിൻ്റെ സ്ഥിരമായുള്ള പല മാനറിസങ്ങളിൽ നിന്നും വിട്ടു നിന്നു കൊണ്ട് തികച്ചും ഒരു പുതിയ വിജയിയെ സിനിമയിൽ കാണുവാൻ സാധിച്ചു എന്നുള്ളത് എടുത്ത് പറയേണ്ട കാര്യം തന്നെയാണ് , പാർത്ഥിപൻ്റെ ഭാര്യയായ സത്യയായി തൃഷ മികച്ച അഭിനയം കാഴ്ചവെച്ചു അവരുടെ ആ കോംബോ നല്ലത് പോലെ വർക്ക് ആയി , പിന്നീട് എടുത്ത് പറയേണ്ടത് പാർത്ഥിപൻ്റെ മകനായി അഭിനയിച്ച മലയാളത്തിൻ്റെ സ്വന്തം മാത്യൂസിൻ്റെ പ്രകടനം ആണ് മാത്യൂസ് തൻ്റെ റോൾ മികവുറ്റതാക്കി , ഹറോൾഡ് ദാസ് എന്ന വില്ലനായി അർജുൻ തൻ്റെ മികവാർന്ന പ്രകടനം കാഴ്ചവെച്ചപ്പോൾ ആൻ്റണി ദാസായി സഞ്ജയ് ദത്ത് ഒപ്പം പിടിച്ചു നിന്നൂ ഇവരെ കൂടാതെ ബാബു ആന്റണി, ഗൗതം വാസുദേവ മേനോന്‍, പ്രിയ ആനന്ദ്, മൻസൂർ അലിഖാൻ തുടങ്ങിയ വലിയൊരു താര നിര ചിത്രത്തിനുണ്ട് അതിൽ തന്നെ ബാബു ആൻ്റണി, പ്രിയ ആനന്ദ് , മൻസൂർ അലി ഖാൻ തുടങ്ങിയവർ ചിത്രത്തിൽ മിസ്സ് കാസ്റ്റ് ആയി അനുഭവപ്പെട്ടു

🔻സിനിമയുടെ മറ്റൊരു പ്രധാന ആഘർഷണം ചിത്രത്തിൻ്റെ ഗ്രാഫിക്സ് തന്നെയാണ് ചുരുങ്ങിയ ബജറ്റിൽ നിന്ന് കൊണ്ട് ഇത്രയും മനോഹരമായ വിഷ്യലുകൾ ഒരുക്കിയതിന് ഗ്രാഫിക്സ് ടീം വലിയൊരു കയ്യടി അർഹിക്കുന്നു ഹൈനയുടെ ഉൾപ്പടെയുള്ള സീനുകൾ മികച്ചത് തന്നെയാണ് എന്നാലും എനിക്ക് വ്യക്തിപരമായി ഏറെ ഇഷ്ട്ടപ്പെട്ടത് ഇൻ്റർവെൽ ബ്ലോക്കിലെ കാർ ചേസിങ് സീനുകൾ ആയിരുന്നു , ചിത്രത്തിൻ്റെ സംഗീതം സൗത്ത് ഇന്ത്യൻ ഫിലിം ഇൻഡസ്ട്രിയിലെ ഏറ്റവും ഡിമാൻഡ് ഉള്ള സംഗീത സംവിധായകനും ഒരാളായ അനിരുദ്ധ് ആണ് സിനിമയെ മറ്റൊരു തലത്തിലേക്ക് എത്തിക്കാൻ അനിരുദ്ധിൻ്റെ സ്കോറുകൾക്ക് ഇപ്പ്രാവശ്യം സാധിച്ചു എന്ന് എനിക്ക് തോന്നുന്നില്ല എങ്കിലും bad ass പോലുള്ളവ സിനിമ കണ്ട് ഇറങ്ങിയ ഒരു പ്രേക്ഷകൻ്റെ കാതിൽ നിന്നും മായില്ല എന്നിനുറപ്പുള്ളതാണ് , ഹിമാചലിന്റെ തനതായ ഭംഗിയൊപ്പിയെടുക്കുകയും ഒപ്പം ആക്‌ഷൻ രംഗങ്ങളുടെ തീവ്രത ചോരാതെ ഫ്രെയിമുകൾ ഒരുക്കുകയും ചെയ്ത മനോജ് പരമഹംസയാണ് ചിത്രത്തിൻ്റെ ഛായാഗ്രഹണം , സംഘട്ടന രംഗങ്ങൾക്ക് ഒത്തിരിയെറെ പ്രാധാന്യമുള്ള സിനിമയിൽ കഥയ്ക്ക് അനുയോജ്യമായ രീതിയിൽ കണ്ണഞ്ചിപ്പിക്കുന്ന സംഘട്ടന രംഗങ്ങൾ ഒരുക്കിയിരിക്കുന്നത് അൻപറിവു സഹോദരങ്ങളാണ്.

🔻അതിമനോഹരമായ ആദ്യ പകുതി ഫോളോ ചെയ്യുവാൻ രണ്ടാം പകുതിക്ക് സാധിച്ചില്ല എന്നുള്ളത് തന്നെയാണ് ചിത്രത്തിൻ്റെ പോരായ്മയും മുഴുവനായി പറയുമ്പോൾ ഒരു തവണ കണ്ടിരിക്കാവുന്ന ഒരു ആവറേജ് സിനിമയാണ് Leo കുറച്ചു കൂടി മികച്ച ദൃശ്യാനുഭവം കിട്ടുവാൻ ചിത്രം തീയേറ്ററുകളിൽ തന്നെ ആസ്വദിക്കാൻ ശ്രമിക്കുക ചിത്രത്തിന് ഒരു രണ്ടാം ഭാഗം ഉണ്ടാവും എന്നുള്ള രീതിയിൽ തന്നെയാണ് ചിത്രം അവസാനിച്ചിരിക്കുന്നത്

Duration : 2Hr 39m

Genre : Action , Adventure

My Rating : ★★☆☆☆1/2

 

🔻നായക അധിനിവേശം നിറഞ്ഞ ക്ലീഷെ പോലീസ് ചിത്രങ്ങളിൽ നിന്നും വ്യത്യസ്തമായി കാക്കിക്കുള്ളിലെ മനുഷ്യ ജീവിതങ്ങളുടെ പച്ചയായ ആവിഷ്ക്കാരം കാണിച്ചു കൊണ്ട് ഒരു സിനിമ കൂടി അങ്ങനെ വിശേഷിപ്പിക്കാം ഈ സിനിമയെ , റോബി വർഗ്ഗീസ് രാജ് സംവിധാനം ചെയ്തു ഒരു മമ്മൂട്ടി ചിത്രം തീയേറ്ററുകളിൽ എത്തുന്നു എന്നല്ലാതെ ഒരു തരത്തിലുള്ള പ്രതീക്ഷകളും ചിത്രത്തിനുമേൽ ഉണ്ടായിരുന്നില്ല എന്നുള്ളതാണ് ചിത്രത്തിൻ്റെ വിജയവും , നിയമപാലകരുടെ ജീവിതം യഥാർത്ഥ രീതിയിൽ കൊത്തിവെച്ച തോണ്ടി മുതലും ദൃക്സാക്ഷിയും , കുറ്റവും ശിക്ഷയും, ഉണ്ട പോലുള്ള ചുരുക്കം മികച്ച സിനിമകളുടെ കൂട്ടത്തിലേക്ക് "കണ്ണൂർ സ്ക്വാഡും" ചേർക്കപ്പെട്ടിരിക്കുകയാണ് .

🔻കണ്ണൂർ SP കൃഷ്ണലാൽ ഐപിഎസ് ൻ്റെ കീഴിലുള്ള മിടുക്കരായ നാൽവർ സങ്കം , എത്ര സങ്കീർണ്ണമായ കേസുകളും തങ്ങളുടെ ബുദ്ധി കൂർമ്മത കൊണ്ടും പരിചയ സമ്പത്ത് കൊണ്ടും എളുപ്പത്തിൽ തെളിയിക്കുന്ന മിടുക്കരാണ് എ എസ് ഐ ജോർജ് മാർട്ടിൻ്റെ നേതൃത്വത്തിലുള്ള കണ്ണൂർ സ്ക്വാഡ് , അങ്ങനെ ഇരിക്കെയാണ് സാമ്പത്തിക പ്രതിസന്ധികൾ വരിഞ്ഞു മുറുക്കുമ്പോൾ നിവൃത്തികേട് കൊണ്ട് കൂട്ടത്തിൽ ഒരാൾ കൈക്കൂലി വാങ്ങുകയും ആ ഒരു ടീം മുഴുവൻ ചീത്ത പേര് കേൾക്കേണ്ടി വരുകയും താൽകാലികമായി സ്ക്വാഡ് പിരിച്ചു വിടുകയും ചെയ്യുന്നു, അങ്ങനെ നാലുപേരെയും ജീവിതം വഴിയറിയാതെ മുന്നോട്ട് പോകുമ്പോഴാണ് കാസർഗോഡ് നാടിനെ ഒന്നടങ്കം നടുക്കിയ ഒരു കൊലപാതകം നടക്കുന്നത് വളരെയധികം മാധ്യമ ശ്രദ്ധ പിടിച്ചു പറ്റുകയും അതേപോലെ തന്നെ ഒരു രാഷ്ട്രീയ സമ്മർദ്ധമുള്ള ഒരു കേസ് ആയി അത് മാറുകയും ചെയ്യുന്നു അതിനാൽ തന്നെ എത്രയും വേഗം കുറ്റവാളികളെ കണ്ടെത്തി അറസ്റ്റ് ചെയ്ത് കേസ് അവസാനിപ്പിക്കാൻ കേസിൻ്റെ അന്വേഷണ ചുമതലയുള്ള "മനൂ നീതി ചോളൻ" എന്ന പോലീസ് മേധാവി നിർബന്ധിതൻ ആവുന്നു , അങ്ങനെ വീണ്ടും ഒരിക്കൽ കൂടി സമർത്ഥരായ കണ്ണൂർ സ്ക്വാഡ് ഒന്നിക്കുന്നു പിന്നീടുള്ള കേസിൻറ്റെ അന്വേഷണവും കണ്ണൂർ സ്ക്വാഡിൻ്റെ യാത്രകളുമൊക്കെയാണ് കഥയുടെ സാരാംശം 

🔻കണ്ണൂർ സ്ക്വാഡിൻ്റെ തലവനായ എ എസ് ഐ ജോർജ് മാർട്ടിനായി മലയാള സിനിമയുടെ പട തലവൻ മമ്മൂട്ടിയാണ് അഭിനയിച്ചിരിക്കുന്നത് , എത്രത്തോളം മികച്ച പ്രകടനമായിരുന്നു അതെന്ന് വാക്കുകൾ കൊണ്ട് പറഞ്ഞറിയിക്കാൻ കഴിയാത്തത്ര പ്രകടനം തന്നെയായിരുന്നു അത് , ജോർജ് മാർട്ടിൻ്റെ അനുയായികൾ ആയി റോണി ഡേവിഡ് രാജ്, ശബരീഷ് വർമ്മ, അസീസ് നെടുമങ്ങാട് എന്നിവരാണ് കണ്ണൂർ സ്ക്വാഡിലെ മറ്റു അംഗങ്ങൾ മൂവരും അവരുടെ റോളുകൾ മികച്ച പ്രകടനങ്ങളിലൂടെ മികവുറ്റതാക്കി , ഇവരെ കൂടാതെ കിഷോർ കുമാർ , വിജയ രാഘവൻ , മനോജ് കെ യു , അർജുൻ രാധാകൃഷ്ണൻ , ദീപക് പരമ്പോൽ, ധ്രുവൻ, ഷെബിൻ ബെൻസൺ , ശ്രീകുമാർ തുടങ്ങിയ ഒരു വൻ താര നിര തന്നെ ചിത്രത്തിൽ അണി നിരക്കുന്നുണ്ട് 

🔻ഒരേ സമയം ക്രൈം ത്രില്ലറും ഒപ്പം മികവുറ്റ ഒരു റോഡ് മൂവിയും കൂടെയാണ് ചിത്രം , പ്രതികളെ പിടികൂടാൻ അലയുന്ന പോലീസുകാരുടെ യാത്രയും അതിൻ്റെ പിടിമുറുക്കങ്ങളുടെ ആഴവും പ്രേക്ഷകരിലേക്ക് എത്തിക്കാൻ ചിത്രത്തിൻ്റെ പശ്ചാത്തല സംഗീതത്തിന് വലിയൊരു പങ്ക് തന്നെയുണ്ട് , തൻ്റെ മികവുറ്റതും വ്യത്യസ്തവുമായ സംഗീത ശൈലി കൊണ്ട് സിനിമയെ വേറെ ഒരു തലത്തിലേക്ക് എത്തിച്ചത് മലയാളത്തിലെ മികവുറ്റ സംഗീത സംവിധായകന്മാരിലൊരാളായ സുഷിൻ ശ്യാമാണ് , ചിത്രത്തിനെ വേറിട്ടൊരു ദൃശ്യാനുഭവമാക്കി മാറ്റുവാൻ സഹായിച്ച മറ്റൊരു ഘടകം സിനിമയുടെ സിനിമാട്ടോഗ്രഫിയാണ് മുഹമ്മദ് റാഫിലിൻ്റെ കയ്യിൽ അത് ഭദ്രമായിരുന്നു..

🔻 റോബി വർഗ്ഗീസ് രാജാണ് സിനിമയുടെ സംവിധാനം മമ്മൂട്ടി കമ്പനിയുടെ ബാനറിൽ ദുൽഖർ സൽമാൻ്റെ വേഫെറർ ഫിലിംസാണ് ചിത്രം തീയേറ്ററുകളിൽ എത്തിച്ചിരിക്കുന്നത് 

മുഴുവനായി പറയുമ്പോൾ റിയലിസ്റ്റിക് അതോടൊപ്പം തന്നെ സിനിമാറ്റിക്കായും കഥ പറഞ്ഞു പോവുന്ന മികച്ച ഒരു ക്രൈം ഇൻവെസ്റ്റിഗേഷൻ ത്രില്ലെർ , കണ്ണടച്ച് ടിക്കറ്റ് എടുക്കാം നിരാശരാവേണ്ടി വരില്ല എന്നുള്ളത് തീർച്ചയാണ്

Genre : Crime investigation, Thriller , Adventure

Duration : 2hr 40m 

My Rating : ★★★☆☆1/2

 🔻Promising ആയിട്ടുള്ള ഒരു കാസ്റ്റിംഗോ, എന്തിന് പ്രതീക്ഷ നൽകുന്ന ഒരു ട്രെയിലർ പോലുമില്ലാതെ ഒരു ചിത്രം തീയേറ്ററുകളിലേക്ക് എത്തുന്നു , ഒരു സിനിമ വിജയിക്കണമെങ്കിൽ വമ്പൻ പ്രൊമോഷനുകളുടെ ആവശ്യം ഒന്നും തന്നെയില്ല മറിച്ച് സിനിമ നന്നായാൽ മതി എന്ന് ഒരിക്കൽ കൂടെ മലയാളി പ്രേക്ഷകർ തെളിയിച്ചിരിക്കുന്നു , ഒരു ഫെസ്റ്റിവൽ സീസണിൽ പ്രേക്ഷകർക്ക് ഇതിലും മികച്ചൊരു ദൃശ്യ വിരുന്ന് കിട്ടാനില്ല എന്ന് പറയേണ്ടി വരുന്ന വിധമുള്ള ഒരു ഗംഭീര ആക്ഷൻ ചിത്രമാണ് Nahas Hidhayath എന്ന പുതുമുഖ ഡയറക്ടർ ഒരുക്കി വെച്ചിരിക്കുന്നത് , തൻ്റെ ആദ്യ ചിത്രത്തിലൂടെ തന്നെ തൻ്റെതായോരു സ്ഥാനം നഹാസിന് നേടിയെടുക്കാൻ സാധിച്ചിട്ടുണ്ട് , 

🔻റോബർട്ട് , ഡോണി, എന്നിവർ ഒരു കുടുംബത്തിലെ അംഗങ്ങളും സഹോദരങ്ങളുമാണ് , ഇരുവരുടെയും ഉറ്റ ചങ്ങാതിയും സന്തത സഹചാരിയുമാണ് സേവിയർ മൂവരും സേവിയറിൻ്റെ അച്ഛൻ്റെ കീഴിൽ കാലങ്ങളായി കരാട്ടെ പ്രാക്ടീസ് ചെയ്തു വരുന്നു , അങ്ങനെ യൗവ്വനത്തിൻ്റെതായ കറക്കങ്ങളും ചെറിയ അടിപിടികളുമൊക്കെയായി മൂവരുടെയും ജീവിതം മുന്നോട്ട് പോയിക്കൊണ്ടിരിക്കുമ്പോഴാണ് റോബർട്ടിൻ്റെ ജീവിതത്തിലേക്ക് മിനി കടന്നു വരുന്നത് , തുടരുന്നുണ്ടാകുന്ന ചില സംഭവ വികാസങ്ങൾ റോബർട്ടിനെ നാട്ടിൽ നിന്നും മാറ്റി നിർത്തേണ്ട ഒരു സാഹചര്യം സൃഷ്ടിക്കുന്നു , അത് മൂന്ന് പേരുടെയും ജീവിതത്തെ വല്ലാതെ ബാധിക്കുന്നു RDX അഥവാ Robert, Dony , Xavier എന്ന ആ ഒരു ഗ്രൂപ്പിനെ താൽകാലികമായി പിരിയ്ക്കുന്നു 

റോബർട്ട് മാറി നിന്നിട്ടും പുതിയ പ്രശ്നങ്ങൾ ഉണ്ടാവുന്നതല്ലാതെ പ്രശ്നങ്ങൾക്ക് ഒരു അവസാനം ഉണ്ടാവുന്നില്ല അങ്ങനെ കുടുംബത്തെ മുഴുവൻ ബാധിക്കുന്ന ഒരു വലിയ പ്രശ്നം തീർക്കുവാൻ റോബർട്ട് തിരിച്ച് വരുകയും RDX എന്ന ഗ്രൂപ് വീണ്ടും തിരിച്ച് ഒന്നിക്കുനതാണ് സിനിമയുടെ കഥാ പശ്ചാത്തലം 

🔻റോബർട്ടായി ഷൈൻ നിഗം മികച്ച പെർഫോമൻസ് കാഴ്ചവെച്ചപ്പോൾ , സ്ഥിരം ആക്ഷൻ ഇടി പടങ്ങളിൽ തൻ്റേതായ പ്രകടനം കാഴ്ച വെക്കുന്ന ആൻ്റണി വർഗീസ് ഡോണിയായി RDX യിലും തൻ്റെ റോൾ മികച്ചതാക്കി പക്ഷേ പെർഫോർമൻസ് കൊണ്ടും മെയ് വഴക്കം കൊണ്ടും ശെരിക്കും ഞെട്ടിച്ചത് നീരജ് മാധവായിരുന്നൂ , സേവ്യർ എന്ന കഥാപാത്രമാവാൻ നീരജ് എടുത്ത effort ചിത്രത്തിലുടനീളം പ്രേക്ഷകർക്ക് കാണുവാൻ സാധിച്ചു , പിന്നെ അഭിനയം കൊണ്ട് അൽഭുതപ്പെടുത്തിയത് പോൾസൺ എന്ന വില്ലൻ വേശം ചെയ്ത വിഷ്ണു അഗ്സ്ത്യ എന്ന നടനായിരുന്നു വിഷ്ണുവിൻ്റെ പോൾസൺ എന്ന വേഷം വലിയൊരു കയ്യടി അർഹിക്കുന്നുണ്ട്ഇവരെ കൂടാതെ ബാബു ആന്റണി, ഐമ റോസ്മി സെബ്യാസ്റ്റ്യൻ, മഹിമ നമ്പ്യാർ, മാല പാർവതി എന്നിങ്ങനെ വൻതാരനിരയാണ് ചിത്രത്തിൽ അണിനിരക്കുന്നത്

🔻മലയാള സിനിമയിൽ ഇതുവരെ കണ്ടിട്ടില്ലാത്ത തരത്തിലുള്ള സംഘട്ടന രംഗങ്ങളാണ് ചിത്രത്തിലുള്ളത് , അതിൻ്റെ മുഴുവൻ ക്രെഡിറ്റും കെ.ജി.എഫ്, ബീസ്റ്റ്, വിക്രം തുടങ്ങിയ ചിത്രങ്ങൾക്ക് സംഘട്ടന സംവിധാനം ചെയ്ത ആൻപറിവ് എന്ന പേരിൽ അറിയപ്പെടുന്ന തമിഴ് സഹോദരങ്ങൾക്കാണ് , പ്രേക്ഷകരെ അമ്പരപ്പിക്കുന്ന ആക്ഷൻ രംഗങ്ങൾക്ക് ഭംഗി കൂട്ടാൻ സാം സി എസിൻ്റെ സ്കോറുകൾ കൂടെ ആയപ്പോൾ സിനിമ ശെരിക്കും ആസ്വാദനത്തിൻ്റെ വേറെ ഒരു തലത്തിലേക്ക് എത്തി 

🔻മുഴുവനായി പറയുമ്പോൾ ഈ ഒരു ഫെസ്റ്റിവൽ സീസണിൽ എല്ലാം മറന്ന് ആഘോഷിച്ച് ഒരു മുഴുനീള ആക്ഷൻ സിനിമ കാണണം എന്നുണ്ട് എങ്കിൽ ധൈര്യമായി ടിക്കറ്റ് എടുക്കാം നിരാശരാവണ്ടി വരില്ല , ചിത്രം തീയറ്ററിൽ തന്നെ കാണുവാൻ ശ്രമിക്കുക കാരണം 5.5 സ്ക്രീനിൽ നിങ്ങൾക്ക് ഒരിക്കലും ഈ സിനിമയുടെ മുഴുവൻ ഫീലും കിട്ടിയെന്ന് വരില്ല 

Duration : 2h 31m

Genre : Action , Thriller 

My Rating : ★★★★☆

 🔻തുടർ പരാചയങ്ങൾ തൻ്റെ കരിയറിന് തന്നെ വെല്ലുവിളിയാകും എന്ന രീതിയിൽ നെൽസൺ എന്ന ഡയറക്ടർ അധഃപതിച്ചപ്പോൾ പ്രേക്ഷകർക്ക് ഒട്ടും പ്രതീക്ഷയില്ലാതെ ലഭിച്ച ഒരു ഗംഭീര സിനിമയാണ് "jailer" ഒറ്റ വാക്കിൽ അങ്ങനെ തന്നെ വിശേഷിപ്പിക്കേണ്ടി വരും കൂടെ രജനികാന്ത് എന്ന് സൂപ്പർ സ്റ്റാറിൻ്റെ ഗംഭീര പ്രകടനം കൂടെയായപ്പോൾ തീയറ്ററുകൾ ഇളക്കി മറിക്കുവാൻ സിനിമയ്ക്ക് നിഷ്പ്രയാസം സാധിച്ചു 

🔻 ജൈലറായി സർവീസിൽ നിന്ന് വിരമിച്ച് ഭാര്യയും മകനും പേരകുട്ടിയുമായി സ്വസ്ഥമായ ജീവിതം നയിക്കുകയാണ് മുത്തുവേൽ പാണ്ട്യൻ , മകനും പോലീസ് ഓഫീസറുമായ അർജുൻ ഒരു വലിയ കേസ് തെളിയിക്കുവാൻ നടക്കുകയും ഭരണ കൂടത്തിനും നിയമ വ്യവസ്ഥയ്ക്കും എളുപ്പം കീഴടക്കാൻ സാധിക്കാത്ത ഒരു ക്രിമിനൽ സങ്കത്താൽ ആക്രമിക്കപ്പെടുകയും അർജുനെ കാണാതെയാവുകയും ചെയ്യുന്നു , പക വീട്ടാനും സ്വന്തം കുടുംബത്തെ സംരക്ഷിക്കുവാനും വേണ്ടി ഒരിക്കൽ കൂടെ മുത്തുവേൽ പാണ്ഡ്യൻ പഴയ ജൈലറായി കളത്തിലിറങ്ങുന്നു , തുടർന്നുള്ള പോരാട്ടങ്ങളാണ് സിനിമയുടെ കഥാ പശ്ചാത്തലം  

ബീഹാറിലെ ബോംബ് നിർമ്മാതാവായ ജാക്കി ഷെറോഫ് ചെയ്ത കഥാപാത്രം മുത്തുവേൽ പാണ്ഡ്യൻ എന്ന തീഹാർ ജയിലിനെ വിറപ്പിച്ച "jailer Tiger " എന്നയാളെ പറ്റി പറയുന്നിടത്താണ് മുത്തുവേൽ പാണ്ഡ്യൻ്റെ റേഞ്ച് പ്രേക്ഷകർക്ക് മനസ്സിലാവുന്നത് അവിടുന്ന് അങ്ങോട്ട് രജനി എന്ന നടൻ്റെ അഴിഞ്ഞാട്ടമാണ് 

🔻ഓരോ സീനുകളിലും രജനികാന്ത് എന്ന നടൻ ഗംഭീര പ്രകടനം കാഴ്ചവെച്ചപ്പോൾ കൂടെ അതെ ലെവലിൽ കട്ടയ്ക്ക് നിന്ന് വില്ലനായി തൻ്റെ കരിയറിലെ തന്നെ മികച്ച പ്രകടനം കാഴ്ച വെച്ചു വിനായകൻ ഈ സിനിമയെ പറ്റി പറയുമ്പോൾ ഒരിക്കലും വിനായകൻ എന്ന നടനെ മാറ്റി നിർത്തുവാൻ പറ്റില്ല , 

പിന്നീട് സിനിമയെ മറ്റൊരുത്തലത്തിലേക്ക് എത്തിച്ചത് 2 Cameo റോളുകളാണ് , ഒന്ന് മലയാളത്തിൻ്റെ മഹാ നടൻ മോഹൻലാൽ ചെയ്ത Mathew എന്ന കഥാപാത്രവും, രണ്ട് നരസിംഹ എന്ന കഥാപാത്രമായി കന്നഡ സൂപ്പർ സ്റ്റാർ ശിവ രാജ് കുമാറും , ഈ രണ്ട് കഥാപാത്രങ്ങളും ചിത്രത്തിൽ എവിടെയൊക്കെയോ രജനികാന്തിൻ്റെ പ്രകടനത്തിന് ഒരു വെല്ലുവിളിയായി മാറി എന്നതിൽ സംശയമില്ല , 10 മിനിറ്റിൽ താഴെ മാത്രം ഉള്ളൂ എങ്കിലും ഈ രണ്ട് കഥാപാത്രങ്ങൾ സിനിമയ്ക്ക് നൽകിയ എനർജി വാക്കുകൾ കൊണ്ട് വർണ്ണിക്കുവാൻക്കുവാൻ സാധിക്കാത്തതാണ്

ഇവരെ കൂടാതെ Ramya Krishnan, Mirnna Menon,Yogi Babu, Sunil , Tamannah Bhatia , Kishore , Jaffer Sadiq , Marimuthu , Saravanan തുടങ്ങി ഒരു വലിയ താര നിര തന്നെ സിനിമയിൽ അണിനിരക്കുന്നുണ്ട് 

🔻Anirudh Ravichnadher മ്യൂസിക്ക് മജീഷ്യൻ പശ്ചാത്തല സംഗീതം നൽകിയപ്പോൾ jailer എന്ന സിനിമ ആസ്വാദനത്തിൻ്റെ മറ്റൊരു തലത്തിലേക്ക് എത്തി , ഓരോ സ്കോറുകളും അത്ര്യക്ക് ഗംഭീരമായിരുന്നു ഒരു മാസ് ആക്ഷൻ ഫിലിം തമിഴ് സിനിമ ഇൻഡസ്ട്രിയിൽ നിന്നും വരുന്നു എങ്കിൽ Music എന്ന ഭാഗത്തേക്ക് വരുമ്പോൾ അനിരുദ്ധ് അല്ലാതെ മറ്റൊരു ഓപ്ഷൻ ഇല്ല എന്ന തലത്തിലേക്ക് മാറി കൊണ്ടിരിക്കുകയാണ് , Vijay കാർത്തിക് കണ്ണൻ്റെ Cinematography കൂടെ ആയപ്പോൾ പിറന്നത് ഈ വർഷത്തെ നിലവിലെ ഏറ്റവും റിപ്പീറ്റ് value ഉള്ള തമിഴ് സിനിമയാണ് എന്ന് പറയാതെ ഇരിക്കാൻ വയ്യ 

🔻മുഴുവനായി പറയുമ്പോൾ സൂപ്പർ സ്റ്റാർ രജനികാന്തിൻ്റെ ഗംഭീര തിരിച്ച് വരവ് , രണ്ടര മണിക്കൂർ ആഘോഷിച്ച് മറ്റെല്ലാം മറന്ന് ഒരു ആക്ഷൻ സിനിമ കാണാൻ താൽപര്യം ഉണ്ട് എങ്കിൽ കണ്ണടച്ച് ടിക്കറ്റ് എടുക്കാം, തീയേറ്ററിൽ തന്നെ കാണുവാൻ ശ്രമിക്കുക 

Duration : 2h 48 m

Genre : Action , Thriller , Comedy

My Rating : ★★★★☆

🔻Marvel Cinematic Universe അഥവാ MCU വിൽ നിന്നും Nick Fury എന്ന കഥാപാത്രത്തിന് പ്രാധാന്യം നൽകി കൊണ്ടുള്ള ആദ്യത്തെ സീരീസ്. മാർവെൽ സിനിമകളുടെ ഇതുവരെ കണ്ടിട്ടുള്ള സൂപ്പർ ഹീറോ എലമെൻ്റ്സുകൾ ഒഴിവാക്കി ഒരു cold war സ്റ്റൈൽ പിടിച്ചു എന്നുള്ളത് തന്നെയാണ് ഈ സീരിയസിനെ വേറിട്ട് നിർത്തുന്നത് , ഏകദേശം 15 വർഷത്തോളം എടുത്തു മാർവലിന് Nick Fury യെ പോലെ ഒരു കഥാപാത്രത്തിന് ഒരു spin-off സിനിമ കൊടുക്കുവാൻ എന്നുള്ളതും ഏറെ ശ്രദ്ധേയമായിരുന്നു

🔻കഥയിലേക്ക് വരുമ്പോൾ താനോസ് സ്നാപ്പിന് ശേഷം ഭൂമിയിൽ നിന്നും അപ്രത്യക്ഷനായി പോയ Nick Fury ഭൂമിയിലേക്ക് തിരിച്ച് വരുന്നു, താനോസ് സ്നാപ് ഭൂമിയിൽ എന്തൊക്കെ മാറ്റങ്ങൾ കൊണ്ട് വന്നു എന്ന് നമ്മൾ ഇതിന് മുൻപ് ഇറങ്ങിയ പല മാർവൽ സിനിമകളിൽ നിന്നും മനസ്സിലാക്കിയാണ് , അത്തരത്തിലുള്ള ഒരു വലിയ മാറ്റത്തിൻ്റെ ഭാഗമായിരുന്നു Skrulls കൾ മനുഷ്യ രൂപം പ്രാപിച്ച് ഭൂമിയെ തന്നെ അവരുടെ സ്വന്തം കീഴിലാക്കുവാൻ ശ്രമിക്കുന്ന ഏലിയൻ സ്‌പീഷ്യസുകൾ , Nick Fury യും Skrulls മായുള്ള ഉടമ്പടി പ്രകാരം അവർക്ക് താമസിക്കാൻ ഒരു വാസസ്ഥലം നൽകാം എന്ന് പറഞ്ഞിരുന്നു അത് പ്രാവർത്തികമാവത്തെ വരുകയും Skrulls ൽ ചിലർ കൂട്ടം കൂടുകയും ഭൂമിയെ തകർക്കുവാൻ ശ്രമിക്കുന്നു അതിനെതിരെ Nick Fury യുടെയും കൂട്ടരുടെയും പ്രതിരോധമാണ് സീരിയസിൻ്റെ സാരാംശം 

🔻ഇത്രയും മനോഹരമായൊരു പ്ലോട്ട് ഉണ്ടായിരുന്നിട്ട് കൂടിയും അവസാനം വരെ നല്ലത് പോലെ കൊണ്ട് പോയിട്ടും അവസാന ഭാഗത്തെ Conclusion നും ഒട്ടും അനുയോജ്യമായി തോന്നാഞ്ഞ Superhero Elements കളും ആരാധകരെ വല്ലാതെ മടുപ്പിച്ചിട്ടുണ്ട് 

🔻 എപ്പോഴത്തെയും പോലെ Nick Fury യായി Samuel L Jackson മികച്ച പ്രകടനം തന്നെയാണ് കാഴ്ചവെച്ചത് , എങ്കിലും സീരിയസിൻ്റെ പ്രധാന ആകർഷണമായി തോന്നിയത് G'iah എന്ന കഥാപാത്രത്തിലൂടെ തിളങ്ങിയ Emilia Clarke തന്നെയായിരുന്നു , Gravik എന്ന Skrulls കളുടെ ലീഡറായി Kingsley Ben-Adir റും മികവുറ്റ പ്രകടനം കാഴ്ചവെച്ചു ഇവരെ കൂടാതെ Don cheadle, Olivia Colman, Charlane Woodard , Samuel Adewunmi , Killian Scott , Ben Mendelsohn തുടങ്ങിയ ഒരു വലിയ താര നിര തന്നെ സീരിസിൽ അണിനിരക്കുന്നുണ്ട് 

🔻മുഴുവനായി പറയുമ്പോൾ ഒരു തവണ കണ്ടിരിക്കാവുന്ന ഒരു സിംപിൾ Marvel സീരിയസ് ആണ് " Secret Invasion " ,Super hero മൂവീസ് ഇഷ്ടപ്പെടുന്നവർക്ക് കാണുവാനായി തിരഞ്ഞെടുക്കാം Disney Plus Hotstar ൽ ഇപ്പൊൾ സംരക്ഷണം ചെയ്യുന്നു 

No Of Episodes : 6

Genre : Action , Advenure , Spy , Superhero Fiction 

Streaming Platform: Disney + Hotstar 

My rating : ★★☆☆☆ 1/2

 

🔻 രണ്ടാം ലോക മഹായുദ്ധം, മാനവ രാശി മുഴുവൻ ഇന്നും ഭയത്തോടെ മാത്രം നോക്കി കാണുന്ന , ഓർക്കുവാൻ പോലും ഇഷ്ടപ്പെടാത്ത ഇരുണ്ട നാളുകൾ , ഇന്നും മുഴുവനായും കെട്ടടങ്ങിയിട്ടില്ലാത്ത പ്രത്യാഘാതങ്ങൾ , 2005 ൽ പുറത്തിറങ്ങിയ അറ്റോമിക് ബോംബിൻ്റെ പിതാവായ Dr. J Robert Oppenheimer ൻ്റെ ജീവചരിത്രമായ American Prometheus എന്ന ബുക്കിൽ നിന്നും ആശയം ഉൾക്കൊണ്ട് കൊണ്ട് ലോകം കണ്ട എക്കാലത്തെയും മികച്ച സംവിധായകന്മാരിൽ ഒരാളായ Christopher Nolan തിരക്കഥ എഴുതി സംവിധാനം ചെയ്തപ്പോൾ പിറന്നത് മികച്ച Biopic കളിലൊന്ന് 

🔻 Oppenheimer എന്ന ശാസ്ത്രജ്ഞൻ്റെ ഹാർവർഡ് യൂണിവേഴ്സിറ്റിയിലെ പഠന കാലം മുതലാണ് സിനിമ ആരംഭിക്കുന്നത് , ഹർഡവർഡിലെ രസതന്ത്രത്തിലെ ബിരുദം അദ്ദേഹത്തിന് തീരെ സംതൃപ്തി നൽകാതെ വരുന്നു തുടർന്ന് , ക്വാണ്ടം മെക്കാനിക്സ് എന്ന ശാസ്ത്ര മേഘലയിൽ താൽപര്യം തോന്നുന്ന ഹെയ്മർ അന്നത്തെ കാലത്തെ പ്രമുഖ ഭൗതിക ശാസ്ത്രജ്ഞനും ക്വാണ്ടം മെക്കാനിക്സിൽ ഒരുപാട് സംഭാവനകൾ ചെയ്തതുമായ മാക്സ് ബോണിൻ്റെ കീഴിൽ ജർമ്മനിയിലെ ഗോട്ടിംഗൻ യൂണിവേഴ്സിറ്റിയിൽ നിന്നും PHD പഠനം പൂർത്തിയാക്കുന്നു , ഈ ഒരു കാലയളവിൽ ക്വാണ്ടം മെക്കാനിക്സ് നേ പറ്റി ഏകദേശം 14 ഓളം പ്രബന്ധങ്ങൾ അദ്ദേഹം പ്രസിദ്ധീകരിക്കുകയും ചെയ്യുന്നു ,പിന്നീട് അധ്യാപനത്തിൽ താൽപ്പര്യം തോന്നുന്ന ഹൈമർ യൂണിവേഴ്സിറ്റി ഓഫ് കാലിഫോർണിയയിൽ അധ്യാപകനായി ജോലിക്ക് കയറുന്നു , ഈയൊരു കാലയളവിലാണ് ജീൻ ടാറ്റ്ലോക് എന്ന മെഡിക്കൽ വിദ്യാർഥിയുമായി ഹെയ്മർ പ്രണയത്തിലാകുന്നത്, കമ്മ്യൂണിസ്റ്റ് ആശയങ്ങളിൽ വിശ്വസിച്ചിരുന്ന ഈ പെൺകുട്ടിയുടെ വരവോടെയാണ് ഓപ്പൺ ഹൈമറിനും കമ്മ്യൂണിസത്തിനോട് ഇഷ്ട്ടം തോന്നുന്നത് എന്നാൽ ഈയൊരു ബന്ധത്തിൻ്റെ ആയുസ്സ് വളരെ കുറവായിരുന്നു , പിന്നീട് കമ്മ്യൂണിസ്റ്റ് പാർട്ടി അംഗമായ കിറ്റി എന്ന പെൺകുട്ടിയുമായി പ്രണയത്തിലാവുകയും ജീവിത പങ്കാളിയാക്കുകയും ചെയ്യുന്നു, ജീവിതത്തിൻ്റെ ഒരു ഘട്ടത്തിൽ പൂർണ്ണമായും ഓപ്പൺ ഹെയ്മർ ഗവേഷണങ്ങളിൽ ശ്രദ്ധ കേന്ദ്രീകരിക്കുന്നു ആ ഒരു സമയത്ത് ഹിറ്റ്‌ലറിൻ്റെ നേതൃത്വത്തിലുള്ള നാസികൾ അണുബോംബ് നിർമ്മിക്കുവാൻ പദ്ധതിയിടുന്നത് ഇത് മുൻകൂട്ടി കണ്ട് നടപടിയെടുത്തില്ല എങ്കിൽ അമേരിക്കയ്ക്ക് ഭീഷണി ആവുമെന്ന സാഹചര്യത്തിലാണ് ഓപ്പൺ ഹെയ്മറിൻ്റെ ലോകം നടുക്കിയ "മാൻഹട്ടൻ" എന്ന പ്രോജക്ട് വരുന്നത് , 

ഈ പ്രോജക്ടിൻ്റെ ചുമതല ആദ്യം വഹിച്ചിരുന്നത് ലെസ്ലി ഗ്രോവ്സ് ആയിരുന്നു എതിർപ്പുകൾ ഒന്നും തന്നെ വക വെക്കാതെ അദ്ദേഹം ആലമോസ് ലബോറട്ടറിയിലെ ഡയർക്ടറായി ഓപ്പൺഹൈമറുടെ പേര് നിർദ്ദേശിച്ചു, ലോസ് ആലമോസ് ലബോറട്ടറിയിൽ ഓപ്പൺ ഹൈമറും കൂട്ടരും നടത്തുന്ന മികച്ച ഗവേഷണങ്ങളും , നാഗസാക്കി ഹിരോഷിമ ആക്രമണത്തിന് ശേഷം ഒരു രാജ്യം മുഴുവൻ അംഗീകരിക്കുന്ന ഒരു ശാസ്ത്രജ്ഞൻ പിന്നീട് എങ്ങനെ ഒരു രാജ്യ ദ്രോഹിയായി മാറുന്നു , അത് എങ്ങനെ ഒരു വ്യക്തിയെ ബാധിക്കുന്നു എന്നുള്ളതാണ് സിനിമയുടെ സാരാംശം 

🔻ഓപ്പൺഹൈമറായി Cillian Murphy തൻ്റെ കരിയറിലെ തന്നെ മികവുറ്റ പ്രകടനങ്ങങ്ങളിൽ ഒന്നാണ് കാഴ്ച വെച്ചത് , ലോകം മുഴുവൻ തന്നെ അംഗീകരിക്കുകയും , തൻ്റെ രാജ്യം തന്നെ വാഴ്ത്തുകയും ചെയ്യുമ്പോഴും താൻ കാരണം വെന്ത് മരിച്ച ഒരായിരം ജനങ്ങളെ ഓർത്തു വീർപ്പു മുട്ടുന്ന ഒരു നിസ്സഹായനെ അദ്ദേഹത്തിൻ്റെ കണ്ണുകളിൽ കാണാമായിരുന്നു , അത് തന്നെയാണ് ഒരു അഭിനേതാവ് എന്ന നിലയിൽ അദ്ദേഹത്തിൻ്റെ വിജയവും , Dr . J Robert Oppenheimer ആയി ജീവിക്കുകയായിരുന്നു Cillian Murphy , അദ്ദേഹത്തെ കൂടാതെ Robert Downey Jr, Emily Blunt , Matt Damon , Florence Pugh തുടങ്ങിയ ക്രിസ്റ്റഫർ നോളൻ്റെ ഓരോ കാസ്റ്റിംഗ് അത്രയേറെ മികവുറ്റത് തന്നെയായിരുന്നു 

🔻പിന്നീട് സിനിമയിൽ എടുത്ത് പറയേണ്ടത് പശ്ചാത്തല സംഗീതം തന്നെയാണ് , ഓരോ ട്രാക്കുകളും അത്രയേറെ മികവുറ്റത് തന്നെയായിരുന്നു , ഒരു സിനിമയിൽ  അതിൽ ഉപയോഗിച്ചിരിക്കുന്ന ശബ്ദത്തിന് അല്ലെങ്കിൽ സംഗീതത്തിന് എത്രത്തോളം പ്രാധാന്യം ഉണ്ട് എന്നുള്ളതിന് മറ്റൊരു ഉദാഹരണം കൂടെയാണ് ഈ സിനിമ ,

🔻ഒരു biopic ആയിരുന്നിട്ടും നോളൻ സിനിമകളിൽ സാധാരണയായി കാണുന്ന നോൺ ലീനിയർ സ്റ്റോറി ടെല്ലിങ് രീതി തന്നെയാണ് ഇവിടെയും സംവിധായകൻ ഉപയോഗിച്ചിരിക്കുന്നത് ഏതാണ്ട് നാലോളം ടൈം ലൈനുകൾ സിനിമയിൽ പ്രത്യക്ഷമാവുന്നുണ്ട് , അത് പ്രേക്ഷകർക്ക് വ്യത്യസ്തമായൊരു ദൃശ്യാനുഭവം നൽകുന്നു , ഒരു ജനത അനുഭവിച്ച ആപത്തിൻ്റെ തീവ്രത സിനിമയിൽ നിന്നും വ്യക്തമാകുന്നുണ്ട്, 

🔻മുഴുവനായി പറയുമ്പോൾ ക്രിസ്റ്റഫർ നോളൻ എന്ന മികച്ച സംവിധായകനിൽ നിന്നും സ്ലോ ഫേസിൽ കഥ പറഞ്ഞ് പോകുന്ന ഒരു ക്ലാസ്സിക് ബയോപിക് ചിത്രം , Interstellar, Inception, Batman Trilogy പോലെയുള്ള സിനിമകൾ കണ്ട് അത്തരം പ്രതീക്ഷകൾ മനസ്സിൽ വെച്ച് പോയാൽ നിരാശ മാത്രമായിരിക്കും ഭലം , slow burner ആയുള്ള സിനിമകൾ ഇഷ്ടപ്പെടാത്തവർ ഈ സിനിമ കാണുവാൻ തിരഞ്ഞെടുക്കാതെയിരിക്കുക അല്ലാത്ത പക്ഷം 3 മണിക്കൂർ എന്ന സിനിമയുടെ ദൈർഘ്യം നിങ്ങൾക്ക് അധികമായി തോന്നിയേക്കാം , 

Genre : Historic Fiction , Mystery, Thriller 

Duration : 3 Hours 

My Rating : ★★★★☆

 

 

🔻Arun D Jose ൽ നിന്നും വീണ്ടുമൊരു Neslen, Mathews കോംബോ, ഒരു പക്ഷെ മലയാളി പ്രേക്ഷകർ ഇത്രയും വേഗത്തിൽ ഇഷ്ട്ടപെട്ട മറ്റൊരു കോംബോ ഉണ്ടോ എന്നുള്ളത് തന്നെ സംശയമാണ് , ആഴമേറിയ കഥാ പശ്ചാത്തലമോ, അംബരപ്പിക്കുന്ന ട്വിസ്റ്റുകളോ ഒന്നുമില്ലാതെ തന്നെ ലളിതമായും വൃത്തിയായും കഥ പറഞ്ഞ് പോവുന്ന ഒരു ചിത്രം , സിംപിൾ ആയൊരു ത്രെഡ്ഢിനെ ഒരു മുഴുനീള ചിത്രമാക്കിയപ്പോഴും ഒട്ടും മടുപ്പുളവാക്കാതെ പ്രേക്ഷകരിലേക്ക് എത്തിക്കുന്നതിൽ ഒരിക്കൽ കൂടി സംവിധായകൻ വിജയിച്ചിരിക്കുന്നു എന്ന് തന്നെ വേണം പറയാൻ 

🔻കഥയിലേക്ക് വരുമ്പോൾ പോളി ടെക്നിക് പാതി വഴിയിൽ ഉപേക്ഷിച്ച് വർക്ക്ഷോപ്പിലെ ജോലിയും അൽപ്പം രാഷ്ട്രീയവുമോക്കെയായി ജീവിക്കുന്ന അഖിൽ എന്ന ചെറുപ്പക്കാരൻ , കൗമാരകാലം മുതൽ സൂക്ഷിക്കുന്ന ഒരു പ്രണയമുണ്ട് അഖിലിന് , പ്രണയിക്കുന്നതാവട്ടെ നാട്ടിലെ പാർട്ടിയുടെ ലോക്കൽ സെക്രട്ടറിയുടെ മകളായ മീനാക്ഷിയെയും , പ്രണയം വീട്ടുകാർ അറിയുന്നതോടെ ഇരുവരുടെയും ജീവിതത്തിലെ പ്രശ്നങ്ങൾക്ക് തുടക്കമാകുന്നു , സാഹചര്യം ഒരു ഒളിച്ചോട്ടത്തിലേക്ക് നയിക്കുന്നു , എന്ത് ചെയ്യണം എങ്ങോട്ട് പോവണം എന്നറിയാതെ നിക്കുന്ന അഖിലിനു വഴികാട്ടിയാവുന്നത് ഒളിച്ചോടി വിവാഹം ചെയ്തു വിപ്ലവം സൃഷ്ട്ടിച്ച രാജേശേട്ടനും കൂടെ അഖിലിൻ്റെ രണ്ട് സുഹൃത്തുക്കളുമാണ് , പിന്നീട് അവർ സൃഷ്ടിക്കുന്ന പ്രശ്നങ്ങളും , നേരിടുന്ന വെല്ലുവിളികളുമാണ് സിനിമ പറയുന്നത്

🔻ഒരു ഒളിച്ചോട്ടവും അതിനു പിന്നാലെ ഉണ്ടാകുന്ന പുലിവാലുകളെയും രസകരമായി തന്നെ ചിത്രീകരിക്കുമ്പോഴും സിനിമ ഇന്നും സമൂഹത്തിൽ നിന്ന് തുടച്ച് മാറ്റ പെട്ടിട്ടില്ലാത്ത ജാതി വ്യവസ്ഥയുടെയും അധികാര മേൽക്കൊയ്മയുടെയും വൃത്തികെട്ട മുഖംമൂടി വലിച്ചു കീറിയിട്ടുണ്ട് എന്നുള്ളത് പ്രശംസ അർഹിക്കുന്നുണ്ട് 

🔻തൻ്റെ അഭിനയ ജീവിതത്തിൽ ഇത്രയും ചുരുങ്ങിയ സമയം കൊണ്ട് എങ്ങനെ ഇത്രയും ജന ശ്രദ്ധ പിടിച്ച് പറ്റി എന്നുള്ളത് നസ്ലെൻ ഈ ചിത്രത്തിലൂടെ വീണ്ടും തെളിയിക്കുകയാണ് , സ്ഥിരം ചെയ്യുന്ന ടൈപ്പ് കഥാപാത്രമായത് കൊണ്ട് തന്നെ അഖിൽ എന്ന നായകൻ നസ്ലെൻ്റെ കയ്യിൽ സുരക്ഷിതമായിരുന്നു , മീനാക്ഷി ദിനേശാണ് ചിത്രത്തിലെ നായിക , സോഷ്യൽ മീഡിയ പ്ലാറ്റ്ഫോമുകളിലൂടെ സുപരിചിതയായ സാഫ് ബ്രദേഴ്സ് അഖിലിൻ്റെ കൂട്ട്കാരായി മികച്ച രീതിയിൽ വരവറിയിച്ചിട്ടുണ്ട് , സിനിമയിൽ എവിടെയിക്കെയോ Mathews ൻെറ വേഷം ഒരു miscast ആയി ഫീൽ ചെയ്തു ,ഇവരെ കൂടാതെ ബിന് പപ്പു , രാജേഷ് മാധവൻ, മനോജ് കെ യു , നിഖില വിമൽ , ശ്യാം മോഹൻ എന്നിവരും പ്രധാന വേഷങ്ങളിൽ എത്തുന്നുണ്ട്

🔻മുഴുവനായി വിലയിരുത്തുമ്പോൾ വലിയ ബിൽഡ് അപ്പുകൾ ഒന്നുമില്ലാതെ കഥ പറഞ്ഞ് പോവുന്ന ഒരു ചെറിയ ചിത്രം , കാണുന്ന പ്രേക്ഷകർക്ക് ഒരു മികച്ച എൻ്റർടെയ്നർ ആവും എന്നുള്ളതിൽ സംശയമില്ല, കോമഡി , എൻ്റർടെയ്നർ തുടങ്ങിയ ജോണറുകൾ ഇഷ്ടപ്പെടുന്നവർക്ക് തീർച്ചയായും തിരഞ്ഞെടുക്കാം 

Genre : Comedy , Romance

Duration: 2hr 2 min

My Rating ; ★★★☆☆

 

🔻പല ഭാഷകളിലായി വ്യത്യസ്തമായ ജോണറുകളിൽ പല സീരിയസുകൾ കണ്ടിട്ടുണ്ടെങ്കിലും ഒരു ആസ്വാദകൻ എന്ന നിലയിൽ മലയാളം ഇൻഡസ്ട്രിയിൽ നിന്ന് എന്ത് കൊണ്ട് ഒരു സീരിയസ് സംഭവിക്കുന്നില്ല എന്ന് ഒരുപാട് തവണ ചിന്തിക്കാൻ ഇടയായിട്ടുണ്ട് , ഞാനുൾപ്പെടെയുള്ള ഒത്തിരി പ്രേക്ഷകരുടെ ഇത്തരത്തിലുള്ള ചോദ്യങ്ങൾക്ക് മറുപടിയായിട്ടാണ് Ahammed Kabeer സംവിധാനം ചെയ്ത് Aju Varghese, Lal എന്നിവർ പ്രധാന വേഷങ്ങളിൽ എത്തുന്ന " Kerala Crime Files " എത്തുന്നത് , അതെ മലയാളത്തിലെ ആദ്യത്തെ സീരീസ് സംഭവിച്ചിരിക്കുന്നു 

🔻എറണാകുളത്തെ "Grand Tourist Home" എന്ന് പേരുള്ള ഒരു ചെറിയ ഹോട്ടലിൽ സ്വപ്ന എന്ന് പേരുള്ള ഒരു Sex worker കൊല ചെയ്യപ്പെടുന്നു , പ്രതിയെന്ന് സംശയിക്കുന്നയാളെ പിടികൂടാൻ കുറച്ചധികം പോലീസുകാർ ചേർന്ന് ശ്രമിക്കുന്നു, പ്രതിയെന്ന് സംശയിക്കുന്നയാളെപറ്റി പോലീസിൻ്റെ കയ്യിൽ ആകെ ഉള്ളത് "shiju" എന്നൊരു പേരും "പാറയിൽ വീട് നീണ്ടകര" എന്നൊരു Fake അഡ്രസും മാത്രമാണ് , പോലീസിൻ്റെ വിദഗ്ധമായ കുറ്റാന്വേഷണമാണ് സീരിയസിൻ്റെ സാരാംശം , ഇത്രയും ചെറിയ ഒരു കഥയെ making മികവിലൂടെ വളരെ മികച്ച രീതിയിൽ എക്സിക്യൂട്ട് ചെയ്യാൻ ഡയറക്ടർക്കായിട്ടുണ്ട് എന്നുള്ളത് നിസംശയം പറയാൻ സാധിക്കും 

🔻 സീരിയസിൻ്റെ Making ലെ മികവ് കഴിഞ്ഞാൽ എടുത്ത് പറയേണ്ടത് കാസ്റ്റിംഗ് തന്നെയാണ് ഹെലൻ എന്ന മലയാള സിനിമയ്ക്ക് ശേഷം അജു വർഗീസിൻ്റെ മറ്റൊരു പോലീസ് വേഷം , വളരെ മികച്ച രീതിയിൽ തന്നെ ചെയ്ത് വെച്ചിട്ടുണ്ട് , CI Kuriyan എന്ന വേഷത്തിലൂടെ ലാലും തൻ്റെ സാനിദ്ധ്യം സീരിയസിലുടനീളം കാണിച്ചിട്ടുണ്ട് , കൂടുതലും പുതു മുഖങ്ങളാണ് എങ്കിലും എല്ലാവരും അവരുടെ വേഷങ്ങൾക്ക് കൃത്യമായി തന്നെ ചേരുന്നതായി തോന്നി , Navas Vallikkunnu, Sanju Sanichen എന്നിവരും സീരിയസിൽ 2 പ്രധാന വേഷങ്ങളിൽ എത്തുന്നുണ്ട് 

🔻കൃത്യ നിർവഹണം ചെയ്യുന്നതിൻ്റെ ഇടയിൽ പോലീസുകാർക്ക് നഷ്ടപ്പെടുന്ന ജീവിതത്തിലെ പല നല്ല നിമിഷങ്ങളെ പറ്റിയും വളരെ ചുരുങ്ങിയ സമയം കൊണ്ട് സീരിയസിൽ പറയാതെ പറയുന്നുണ്ട് എന്നുള്ളത് ശ്രദ്ധേയമായിരുന്നു , ഒരു രണ്ടാം ഭാഗം പ്രതീക്ഷിക്കാം എന്നുള്ള രീതിയിലാണ് സീരിയസ് അവസാനിച്ചിരിക്കുന്നത്

🔻മുഴുവനായി പറഞാൽ ഒരു ഡീസൻ്റ് ക്രൈം ഇൻവെസ്റ്റിഗേഷൻ ത്രില്ലെർ, ഒരു Must Watch Element ഒന്നും കണ്ടെത്തുവാൻ സാധിച്ചില്ല എങ്കിലും ഒരു ചെറിയ കഥയെ മികച്ച രീതിയിൽ തന്നെ അവതരിപ്പിച്ചിട്ടുണ്ട് , ഇതൊരു തുടക്കമാണ് ഒത്തിരി നല്ല സീരിയസുകളിലേക്ക് വഴി ഒരുക്കുവാൻ പോവുന്ന തുടക്കം , Crime Investigation, Thriller തുടങ്ങിയ ജോണാറുകൾ ഇഷ്ടപ്പെടുന്നവർക്ക് തീരിച്ചയായും തിരഞ്ഞെടുക്കാം , Disney+Hotstar ൽ ഇപ്പോൾ സംരക്ഷണം ചെയ്യുന്നു 

No of Episodes: 6

Genre: Crime Investigation, Drama ,Thriller 

Streaming Platform: Disney Plus Hotstar

My Rating: ★★★☆☆

 

🔻Chris Hemsworth നെ നായകനാക്കി Sam Hargrave സംവിധാനം ചെയ്ത് 2020 ൽ പുറത്തിറങ്ങിയ ആക്ഷൻ ചിത്രമായിരുന്നു Extraction , കോവിഡിൻ്റെ സാഹചര്യങ്ങൾ തീയേറ്റർ റിലീസുകൾ അനിവാര്യമായിരുന്ന സിനിമകളെ പോലും OTT യിലേക്ക് പറഞ്ഞയച്ചപ്പോൾ , അത്തരത്തിൽ Netflix ലൂടെ പ്രേക്ഷകരിലേക്ക് എത്തിയ ചിത്രമായിരുന്നു അത്, ഒട്ടും പ്രതീക്ഷ വെക്കാതെ പോയവരെ പോലും ഗംഭീരമായ ആക്ഷൻ രംഗങ്ങൾ കൊണ്ട് ഞെട്ടിച്ച ഒരു സിനിമ തന്നെയായിരുന്നു അത് , 

🔻ചിത്രത്തിൻ്റെ രണ്ടാം ഭാഗത്തിലേക്ക് വരുമ്പോൾ , ആദ്യ ഭാഗത്തിലെ ഒരു മിഷൻ കാരണം Tyler Rake എന്ന നായകന് കഴുത്തിൽ മാരകമായി ഒരു പരുക്ക് പറ്റിയിരുന്നു അത് പരിഹരിക്കാനും വിദഗ്ദ പരിശോധനയ്ക്കുമായി Rake ൻ്റെ ടീം അംഗങ്ങളായ Yaz ഉം Nik ഉം ചേർന്ന് ദുബായിലെ ഒരു ഹോസ്പിറ്റലിൽ Rak നെ എത്തിക്കുന്നിടത്താണ് സിനിമ തുടങ്ങുന്നത് , അതിനു ശേഷം വിശ്രമ ജീവിതം നയിക്കാൻ Rake നെ ആസ്ട്രിയയിലുള്ള ഒരു cabin നിലേക്ക് ആക്കുന്നു പങ്കാളികൾ, എന്നാൽ ആ വിശ്രമ ജീവിതത്തിൻ്റെ ആയുസ്സ് വളരെ കുറച്ച് ദിവസം മാത്രമായിരുന്നു , അപ്പോഴേക്കും Rake ന് മുന്നിലേക്ക് പുതിയ മിഷൻ എത്തുകയാണ് ഇപ്പ്രാവശ്വം Rake നും കൂട്ടർക്കും രക്ഷിക്കേണ്ടത് , Georgian ജയിലിൽ തൻ്റെ gangster ആയ ഭർത്താവിനാൽ അകപ്പെട്ട പോയ മുൻ ഭാര്യയുടെ സഹോദരിയെയും 2 കുട്ടികളെയുമായിരുന്നു അങ്ങനെ പുതിയ മിഷന് വേണ്ടി Rake ഉം കൂട്ടരും വീണ്ടും ഒന്നിക്കുകയാണ് ചുരുക്കി പറഞ്ഞാൽ ഇതാണ് കഥയുടെ സാരാംശം 

🔻ആദ്യ ഭാഗത്തിലേത് പോലെ തന്നെ അമ്പരപ്പിക്കുന്ന ആക്ഷൻ രംഗങ്ങളുടെ മുഴുനീള പാക്കേജ് തന്നെയാണ് രണ്ടാം ഭാഗവും , Tylor Rake ആയി Chris Hemsworth അഴിഞ്ഞാടിയപ്പോൾ Adam Bessa യും Golshifteh Farhani യും Yaz ,Nik എന്നീ വേഷങ്ങളിലൂടെ അവരുടെ സാനിദ്ധ്യവും ഗംഭീരമായി തന്നെ അറിയിച്ചു , Zurab എന്ന വില്ലനും സിനിമയിലുടനീളം പ്രേക്ഷകരെ അമ്പരമ്പിച്ചിട്ടുണ്ട് 

🔻തുടക്കത്തിലെ കുറച്ച് നേരം ഒഴിച്ച് നിർത്തിയാൽ ആക്ഷൻ രംഗങ്ങളാൽ നിറഞ്ഞ ആദ്യ ഭാഗത്തോട് പൂർണ്ണമായും നീതി പുലർത്തിയ ഒരു ഗംഭീര സിനിമ തന്നെയാണ് Extraction 2 എന്നുള്ളത് നിസംശയം പറയുവാൻ സാധിക്കും , ആക്ഷൻ സിനിമകൾ ഇഷ്ടപ്പെടുന്നവർക്ക് ധൈര്യമായി തിരഞ്ഞെടുക്കാം ,ആദ്യ ഭാഗം കണ്ടിട്ടില്ലാത്തവർ അതു കണ്ടിട്ട് രണ്ടാം ഭാഗം കാണുവാൻ ശ്രമിക്കുക , ചിത്രം OTT പ്ലാറ്റ്ഫോമായ Netflix ൽ Available ആണ്

Genre: Action, Adventure, Thriller 

Duration: 2h 2m 

Streaming Platform: Netflix

My Rating : ★★★☆☆1/2 

🔻മൂന്ന് വർഷങ്ങൾക്ക് മുമ്പ് കൃത്യമായി പറഞ്ഞാൽ 2020 മാർച്ച് 2 ന് VOOT എന്ന OTT പ്ലാറ്റ്ഫോമിൽ വലിയ പ്രമോഷനുകൾ ഒന്നും തന്നെയില്ലാതെ ഒരു സീരീസ് പുറത്തിറങ്ങി , കണ്ട് മടുത്ത ബൈബിൾ കില്ലേഴ്സ് എന്ന പാറ്റേണിൽ നിന്ന് വിട്ട് മാറി , സീരിയൽ കില്ലിങ്ങിനെയും ഹിന്ദു മിത്തോളജിയെയും കൂടെ Oni Sen എന്ന ഡയറക്ടർ ലയിപ്പിച്ചപ്പോൾ ഇന്ത്യക്ക് ലഭിച്ചത് അന്നേവരെ കണ്ടതിൽ നിന്ന് വ്യത്യസ്തമായി മികച്ച ഒരു ക്രൈം ഇൻവെസ്റ്റിഗേഷൻ ത്രില്ലെർ സീരീസ് ആയിരുന്നു , ഇതിൻ്റെ രണ്ടാം ഭാഗത്തിനായി പ്രേക്ഷകർ കാത്തിരിക്കാൻ ഇത് തന്നെയായിരുന്നു പ്രധാന കാരണവും 

🔻ആദ്യ സീസൺ അവസാനിച്ചിടത്ത് നിന്ന് തന്നെയാണ് രണ്ടാ ഭാഗം തുടങ്ങിയിരിക്കുന്നത് , രാജ്യത്തെ മുഴുവൻ ഭീതിയിലാഴ്ത്തിയ കൊലപാതക പരമ്പര , സിബിഐക്കും ഗവൺമെൻ്റിനും തലവേദന സൃഷ്ടിച്ച് മുന്നോട്ട് നീങ്ങുന്നു , ഹിന്ദു പുരാണത്തിലെ ദേവന്മാരുടെ പ്രതീകമായ കൾക്കിയെയും അസുര പ്രതീകമായ കലിയെയും തമ്മിൽ താരതമ്യം ചെയ്ത് മനുഷ്യ രാശിയുടെ ഗതി മാറ്റുവാൻ , സമൂഹത്തിൻ്റെ സന്തുലിനാവസ്ഥ തകർക്കുവാൻ നടക്കുന്ന സൈക്കോ കില്ലറായ shubh സീരിയസിൽ ഉടനീളം പ്രേക്ഷകരെ മുൾമുനയിൽ നിർത്തുന്നു, എങ്ങനെയും ശുഭിനെ എതിർത്ത് തങ്ങളുടെ രാജ്യത്തെയും സംരക്ഷിക്കുവാനും തങ്ങൾക്കുണ്ടായ നഷ്ട്ടണങ്ങൾക്ക് പകരം ചോദിക്കുവാനും നടക്കുന്ന Dhanajnai Rajput ൻ്റെയും Nikhil Nair ൻ്റെയും നേതൃത്വത്തിലുള്ള ഒരുപറ്റം ബ്രില്ലിയൻ്റായ CBI ഉദ്യോഗസ്ഥർ ശ്രമിക്കുന്നു ഇതാണ് സീരിയസിൻ്റെ സാരാംശം 

🔻നിഖിൽ നായരായി Barun Sobti ഇപ്പ്രാവശ്യവും മികവുറ്റ പ്രകടനം കാഴ്ചവെച്ചു  ആദ്യ സീസണിൽ തൻ്റെ ഫാമിലിയിലുണ്ടായ അനിശ്ചിത സംഭവങ്ങൾ നിഖിലിനെ വല്ലാതെ തളർത്തിയിരുന്നു , ഓരോ സീനുകളിലും അത് അദ്ദേഹത്തിൻ്റെ മുഖത്ത് നിന്ന് പ്രേക്ഷകർക്ക് വായിച്ചെടുക്കാമായിരിന്നു , പിന്നീട് എടുത്ത് പറയേണ്ടത് Arshad Warsi യുടെ Dhananjai Rajput എന്ന വേഷം തന്നെയാണ് ഓരോ സീനുകളിലും അദ്ദേഹത്തിനെ സാനിദ്ധ്യം ഗംഭീരമായിട്ടുണ്ട് , ഇവരെ കൂടാതെ Anupriya Goenka, Abhishek Chauhan ,Ridhi Dogra , Meiyang Chang ,Amey Wagh, Pawan Chopra, Gaurav Arora , Adithi Kalkunte , Atharva Viswakarma , Nisanth Verma, തുടങ്ങിയ ഒരു വലിയ താര നിര തന്നെ സീരിയസിൽ അണിനിരക്കുന്നു 

ആദ്യ സീസണിനോടു പൂർണ്ണമായും നീതി പുലർത്തിയ രണ്ടാം സീസൺ , ഇപ്പ്രാവശ്യം VOOT ന് പകരമായി JIo Cinemas ആണ് സംപ്രേക്ഷണം ചെയ്യുന്നത് , ക്രൈം ഇൻവെസ്റ്റിഗേഷൻ , ത്രില്ലെർ തുടങ്ങിയ ജോണറുകൾ ഇഷ്ടപ്പെടുന്നവർക്ക് ഉറപ്പായും തിരഞ്ഞെടുക്കാം , 

No of Episodes : 8 

Genre : Crime Investigation, Thriller , Psychological Fiction 

Streaming Platform : Jio Cinema

My Rating: ★★★☆☆ 1/2

 

🔻"2018 " ഓരോ മലയാളി മനസ്സുകളും മറക്കുവാൻ ആഗ്രഹിക്കുന്ന ഒരു ദുരന്തത്തിൻ്റെ ഓർമ്മ , സ്വതാൽപര്യങ്ങൾക്ക് വേണ്ടി ഓടിക്കൊണ്ടിരുന്ന ഒരു ജനത റിയൽ ലൈഫ് ഹീറോകളായി മാറിയ കഥ , സമ്പന്നൻ എന്നോ ദരിദ്രനെന്നോ ഭേദമില്ലാതെ എല്ലാവരും ഒരു പായയിൽ ഉറങ്ങി ഒരു പാത്രത്തിലുണ്ട് ഒരുമിച്ച് കൈകോർത്ത് സ്വന്തം നാടിനും നാട്ടുകാർക്കും വേണ്ടി രാപ്പകലില്ലാതെ അധ്വാനിച്ച, പ്രാർത്ഥിച്ച നന്മയുടെ നാളുകൾ , മത്സ്യബന്ധനത്തിന് കടലിൽ പോവുന്ന ഒരു കൂട്ടം കേരള ജനതയുടെ കാവൽ മാലാഖമാരായ ചരിത്രം, പറയുവാനേറയാണ് 2018 ലേ മഹാപ്രളയത്തെ പറ്റി , ലോക ജനത എന്നും ഓർക്കണം എന്ന ഉദ്ദേശത്തിൽ മാനവികതയുടെ അടയാളമായി ഈ കഥയെ" ജൂഡ് ആന്തണി ജോസഫ് " എന്ന സംവിധായകൻ ദൃഷ്യവൽക്കരിച്ചപ്പോൾ പിറന്നത് മലയാള സിനിമ കണ്ട ലോക സിനിമകളോട് ചേർത്ത് വെക്കാൻ തക്ക ഗുണമേന്മയുള്ള എക്കാലത്തെയും മികച്ച സർവൈവൽ ചിത്രങ്ങളിലൊന്നാണ് , സിനിമ കണ്ട് കഴിഞ്ഞപ്പോൾ പറയാൻ വാക്കുകൾ ഉണ്ടായിരുന്നില്ല കാരണം ഈ സിനിമയുടെ കഥ രചിച്ചത് നമ്മൾ ഓരോരുത്തരും ചേർന്നാണ് ഇത് നമ്മുടെ കഥയാണ് നമ്മൾ അതിജീവിച്ച ഒരു മഹാ വിപത്തിൻ്റെ ഓർമ്മപ്പെടുത്തൽ .

 

🔻Guardians Trilogy യിലെ അവസാനത്തെ ചിത്രം ഏറെ പ്രതീക്ഷയോടെയും അതിനേക്കാളേറെ ആശങ്കയോടെയും കണ്ട് തീർത്ത സിനിമ , മാർവലുമായുള്ള James Gunn എന്ന director ൻ്റെ അവസാന ചിത്രം നിസംശയം പറയാം The Marvel is Back . തുടർ പരചയങ്ങളിലൂടെ ആരാധകർക്ക് കടുത്ത നിരാശ സമ്മാനിച്ചു കൊണ്ട് ദിശ അറിയാതെ മാർവൽ കോമിക്സ് സഞ്ചരിച്ചു കൊണ്ടിരുന്ന സാഹചര്യത്തിൽ വളരെ മികച്ച ആശ്വാസം തന്നെയാണ് ചിത്രത്തിലൂടെ ലഭിച്ചിരിക്കുന്നത് , വളരെ അധപ്പതിച്ച രീതിയിൽ തുടങ്ങിയ phase 5 ന് ഈ ചിത്രത്തിലൂടെ പുതിയ ഉണർവ്വ് ലഭിക്കും എന്നതിൽ സംശയമില്ല

🔻Guardians കളുടെ എല്ലാവരുടെയും ഒരു ഒരുമിച്ച് ചേരലായി സിനിമയെ വിശേഷിപ്പിക്കാം knowhere എന്ന planet ലാണ് Peter Quill ( Chris prat) ൻ്റെ നേതൃത്വത്തിലുള്ള ഗാർഡിയൻസുള്ളത് , സിനിമയുടെ തുടക്കത്തിൽ Rocket ന് ( Voiced by Bradley Cooper) വളരെ അഘാതത്തിലുള്ള ഒരു മുറിവ് പറ്റുന്നു പക്ഷേ തൻ്റെ ഗാങ്ങിന് റോക്കറ്റിൻ്റെ ഉള്ളിലുള്ള ചില പ്രത്യേക ഫംഗ്ഷനുകൾ കാരണം റോക്കറ്റിനെ രക്ഷിക്കുവാൻ സാധിക്കുന്നില്ല, തുടർന്ന് റോക്കറ്റിനേ രക്ഷിക്കുവാൻ ക്വില്ലും കൂട്ടുകാരും സിനിമയിലെ പ്രധാന വില്ലനും റോക്കറ്റിൻ്റെ Creator മായ High Evolutionary ( Chukwudi Iwuji) എന്ന ഭ്രാന്തൻ Geneticist ൻ്റെ അടുക്കലേക്ക് പോവുന്നു തുടർന്നുണ്ടാവുന്ന സംഭവ വികാസങ്ങളാണ് കഥയുടെ സാരാംശം 

🔻ഈ Trilogy യിലെ അവസാന ചിത്രമായതിനാൽ തന്നെ സിനിമയിലെ ഓരോ കഥാപാത്രങ്ങൾക്കും അവരുടേതായ മികച്ച ഒരു സ്പേസ് ഡയറക്ടർ കൊടുത്തിട്ടുണ്ട് എന്നുള്ളത് എടുത്ത് പറയേണ്ട ഒരു കാര്യം തന്നെയാണ് , എന്നിരുന്നാലും സിനിമയിലെ താരം raccon അഥവാ റോക്കറ്റ് തന്നെയാണ് റോക്കറ്റിനെ കാണിക്കുന്ന മിക്ക സാഹചര്യങ്ങളിലും പ്രേക്ഷകരെ emotionally കണക്ട് ചെയ്യുവാൻ സിനിമയ്ക്ക് കഴിഞ്ഞിട്ടുണ്ട്

🔻Will Poulter, Sylvester Stallone, Nico Santos, Daniela Melchior,Ving Rhames തുടങ്ങി ഒരു വലിയ താര നിര തന്നെ ചിത്രത്തിൽ കാണുവാൻ സാധിക്കും , ഓരോരുത്തരും അവരുടെ സാനിദ്ധ്യം മികച്ച രീതിയിൽ തന്നെ അറിയിച്ചിട്ടുണ്ട് എങ്കിലും Quill ൻ്റെ നേതൃത്വത്തിലുള്ള Rocket, Drax (Dave Bautista) , Groot ( Voiced By Vin Diesel) , Kraglin ( Sean Gunn), Mantis (Pom Klementieff) , Nebula (Karen Gillan) എന്നിവർ അടങ്ങുന്ന Guardians തന്നെയാണ് സിനിമയുടെ പ്രധാന ആകർഷണം

🔻വിസ്മയിപ്പിക്കുന്ന വിശ്വലുകളുടെ മായലോകം തന്നെയാണ് CGI ടീം ചിത്രത്തിൽ ഒരുക്കി വെച്ചിരിക്കുന്നത് ഓരോ ഫ്രയിമുകളും അത്ര്യക്ക് മനോഹരമാണ് , കഥാപാത്രങ്ങൾക്കും ഓരോ സീനുകൾക്കും അനുയോജ്യമായ രീതിയിലുള്ള BG സ്കോറുകളും സിനിമയെ ആസ്വാദനത്തിൻ്റെ വേറെ ഒരു തലത്തിൽ എത്തിക്കുന്നുണ്ട്, പിന്നണിയിൽ പ്രവർത്തിച്ചവർ വലിയൊരു കയ്യടി അർഹിക്കുന്നു 

🔻മുഴുവനായി പറഞ്ഞാൽ തുടക്കത്തിൽ പറഞ്ഞത് പോലെ ഈ സിനിമയിലൂടെ മാർവൽ തിരിച്ച് വന്നിരിക്കുന്നു , James Gunn എന്ന ഡയറക്ടർ തീർത്തും മർവലിന് ഒരു നഷ്ട്ടം തന്നെ ആയിരിക്കും DC കോമിക്സിന് ഒരു പുതിയ സമ്മാനവും , നിങ്ങളൊരു മാർവൽ ആരാധകൻ ആണെങ്കിൽ തീർച്ചയായും ഫേസ് 4 ഉണ്ടാക്കിയ ക്ഷീണം ഈ സിനിമയ്ക്ക് മാറ്റുവാൻ സാധിക്കും , ഒരു പ്രേക്ഷകൻ എന്ന നിലയിൽ എനിക്ക് മികച്ചൊരു അനുഭവം തന്നെയായിരുന്നു ഈ ചിത്രം , തീയേറ്ററുകളിൽ തന്നെ കണ്ട് ആസ്വദിക്കുക അവസാനത്തെ 2 പോസ്റ്റ് ക്രെഡിറ്റ് സീനുകളും കാണുക

Duration : 2h 29m

Genre : Action, Adventure, Sci-Fi, Superhero , Comedy

My Rating: ★★★★☆

 🔻"Keanu Reeves" ഒരു പക്ഷെ ഈ പേര് കേൾക്കുമ്പോൾ തന്നെ ആരാധക മനസ്സിലേക്ക് ആദ്യം ഓടിയെത്തുന്ന പേര് "John Wick" എന്ന് തന്നെയാവും , അത്രത്തോളം ആരാധക വ്യൂഹമാണ് കഴിഞ്ഞ 3 സിനിമകൾ കൊണ്ട് തന്നെ ജോൺ വിക്ക് നേടിയെടുത്തത്, ആ ഫ്രാഞ്ചയിസിയിലേ ഏറ്റവും പുതിയ ആക്ഷൻ ചിത്രമായ "John Wick Chapter 4" തീയറ്ററുകളിലേക്ക് എത്തിയപ്പോഴും അതെ സ്വീകാര്യത തന്നെ ചിത്രത്തിന് ലഭിച്ചിട്ടുണ്ട് എന്നുള്ളതിൽ സംശയമില്ല , ആസ്വാദകരുടെ പ്രതീക്ഷകൾക്ക് ഒട്ടും തന്നെ കോട്ടം തട്ടാതെ അല്ലെങ്കിൽ പ്രതീക്ഷകൾക്ക് മുകളിലാണ് ചിത്രം ചെയ്ത് വെച്ചിരിക്കുന്നത് , ഇതിന് മുന്നേയുള്ള 3 ഭാഗങ്ങളും സംവിധാനം ചെയ്ത Chad Stahelski തന്നെയാണ് ഈ ഭാഗവും സംവിധാനം ചെയ്തിരിക്കുന്നത് ആ ഒരു മികവ് സിനിമയിലുടനീളം ആസ്വാധകർക്ക് കാണുവാൻ സാധിക്കും 

🔻ഒരു ആക്ഷൻ ചിത്രം കാണാൻ ആഗ്രഹിക്കുന്ന ആർക്കും ചാപ്റ്റർ4 കാണാവുന്നതാണ്. കഥ അറിയാത്തത് ഒരു വലിയ പ്രശ്നം ആവുകയില്ല . എന്നാലും കഥാപാത്രത്തിൻ്റെ സ്വഭാവവും, കഥാപശ്ചാത്തലവും കൃത്യമായി മനസ്സിലാക്കാതെ പൂർണ്ണമായുള്ള ആസ്വാദനം കുറച്ച് ബുദ്ധിമുട്ടാണ് . അതിൻ്റെ മുഖ്യ കാരണം ചിത്രത്തിൻ്റെ പശ്ചാത്തലത്തിന് തനതായ നിയമ വ്യവസ്ഥയുണ്ട് എന്നതാണ്. ജോൺ വിക്കിൻ്റെ ലോകം കഴിഞ്ഞ മൂന്ന് ഭാഗങ്ങളിലായി വളരെ മികച്ച രീതിയിലാണ് വ്യക്തമാക്കി കൊണ്ടുവന്നത്, അത് കണ്ടിട്ടുള്ളവർക്കേ അതിൻ്റെ ശരിയായ വ്യാപ്തി മനസ്സിലാക്കാൻ കഴിയൂ. അത് കൊണ്ട് തന്നെ നാലാം ആദ്യായം കാണുവാൻ തിരഞ്ഞെടുക്കുന്നവർ ഇതിന് മുന്നേയുള്ള ഭാഗങ്ങളും കാണുവാൻ ശ്രദ്ധിക്കുക 

🔻ഒരു ജോൺ വിക്ക് ആരാധകൻ എന്ന നിലയിൽ ഒരു മികച്ച എൻഡിങ് തന്നെയാണ് എനിക്ക് സിനിമയിൽ നിന്ന് ലഭിച്ചത് , അത് എനിക്ക് പൂർണ്ണ സംതൃപ്തി നൽകുകയും ചെയ്തു , ഏതൊരു ആസ്വാദകനും മനസ്സിൽ തട്ടുന്ന രീതിയിലുള്ള മികച്ച ഒരു ക്ലൈമാക്സ് തന്നെയാണ് ചിത്രത്തിലുള്ളത് , സിനിമയിൽ ഒരു പോസ്റ്റ് ക്രെഡിറ്റ് പോലെ ഒരു ചെറിയ സീൻ കാണിക്കുന്നുണ്ട് അത് ചിത്രത്തിലെ Akira എന്ന കഥാപാത്രത്തിൻ്റെ ഒരു സ്പിൻ ഓഫ് ചിത്രത്തിലേക്ക് വഴി വെച്ചുകൊണ്ടാണ് സിനിമ അവസാനിക്കുന്നത് , സിനിമ കാണുവാൻ തിരഞ്ഞെടുക്കുന്നവർ ചിത്രം തീയറ്ററുകളിൽ തന്നെ ആസ്വദ്ധിക്കൻ പരമാവധി ശ്രമിക്കുക 

My Rating : ★★★★☆ 1/2

Duration :2 h 49m

 

" 🔻The Last Of Us" Sony PlayStation ആരാധകരുടെ മനസ്സിലേക്ക് എവിടെ നിന്നോ ഇരച്ച് കയറി വരുന്ന വികാരം ,  2013 ൽ ആരംഭിച്ച ആക്ഷൻ അഡ്വഞ്ചർ സോംബി അപ്പോകാലിപ്റ്റിക് വിഭാഗത്തിൽ ലോക ശ്രദ്ധയാകർഷിച്ച ഒരു ഗെയിം സീരീസ് , അതിൻ്റെ പച്ചയായ ചലച്ചിത്രാവിഷ്‌ക്കാരം അതാണ് ഈ സീരിയസ്,  Sony PlayStation നു വേണ്ടി ഒർജിനൽ ഗെയിമിന് കഥയെഴുതി സംവിധാനം ചെയ്ത നീൽ ഡ്രക്‌മാനും ,ക്രെയിക് മാസിനും തന്നെ  സംവിധാനം ചെയ്തപ്പോൾ പിറന്നത് ലോകത്തിലെ മികച്ച സീരിയസുകളിലൊരെണ്ണം , അതെ ഇനി ലോകത്തിലെ മികച്ച സീരിയസുകളുടെ പട്ടികയിൽ "The Last Of Us " ഉണ്ടാവും എന്നതിൽ സംശയം വേണ്ട

🔻ലോകത്തെ മുഴുവൻ കാർന്നു നിന്ന ഒരുപാട് മനുഷ്യ ജീവനുകൾ എടുത്ത , അതിൻ്റെ പത്തിരട്ടിയോളം മനുഷ്യ ജീവനുകളെ വികൃതമാക്കിയ ഒരു വലിയ ഫങ്കൽ ഇൻഫെക്ഷൻ അതിനു ഏതാണ്ട് 20 വർഷത്തിന് ശേഷമുള്ള പോസ്റ്റ് അപ്പോകലിപ്റ്റിക്ക് യുണൈറ്റഡ് സ്റ്റേറ്റ്സിലാണ് കഥ നടക്കുന്നത് , 

🔻എല്ലി  വില്യംസ് എന്ന് പേരുള്ള വളരെ ധൈര്യ ശാലിയും തൻ്റേടിയായ ഒരു കൊച്ച് മിടുക്കി പെൺകുട്ടിയെ സ്മഗ്ലറായ  ജോയൽ എന്നയാൾക്ക് ഒരു സ്ഥലത്ത് നിന്ന് മറ്റൊരിടത്തേക്ക് എസ്കോർട്ട് ചെയ്യേണ്ട അവസരം ഉണ്ടാവുന്നു ആദ്യമായി ക്വാറൻ്റെയിൻ വിട്ട് പുറത്തേക്ക് വരുന്ന പെൺകുട്ടിയെയും കൂട്ടി നായകനായ ജോയൽ മാരകമായ രോഗം ബാധിച്ച് നശിച്ച ലോകത്തിലേക്ക് ഇറങ്ങി ചെല്ലുകയാണ് , എവിടെ നിന്ന് വേണമെങ്കിലും ആക്രമിക്കപ്പെട്ടു മരണപ്പെടാം  എന്ന ഒരു അവസ്ഥയാണ് അവരുടെ സഞ്ചാര പാതയ്ക്കുള്ളത് , യാത്രയ്ക്കിടയിൽ അവർ നേരിടുന്ന തടസ്സങ്ങളും , പരിചയപ്പെടുന്ന മനുഷ്യരും, പ്രതിസന്ധികൾ എല്ലാം തരണം ചെയ്ത് ഇങ്ങനെ അവർ ലക്ഷ്യ സ്ഥാനത്തേക്ക് എത്തും എന്നുള്ളതാണ് സീരിയസിൻ്റെ സാരാംശം 

🔻എല്ലി എന്ന കൊച്ചു പെൺകുട്ടിയും ജോയലും തന്നെയാണ് സീരിയസിൻ്റെ പ്രധാന ആകർഷണം , അവർ തമ്മിലുള്ള വാക്കുകളാൽ വർണ്ണിക്കാൻ കഴിയാത്ത ആന്മബന്ധം പ്രേക്ഷകരുടെ മനസിനെയും കുളിരണിയിക്കുന്നുണ്ട്  , എല്ലി വില്യംസായി  " Bella Ramsey" തൻ്റെ കഴിവ് തെളിയിച്ചപ്പോൾ ലോകത്തിലെ മികച്ച പല സീരിയസുകളിലും തൻ്റെ വേറിട്ട performance കൊണ്ട് ഇതിന് മുൻപും പ്രേക്ഷക മനസ്സിൽ ഇടം നേടിയ " Pedro Pascal" ജോയലായി സ്ക്രീനിലെത്തുന്നൂ

🔻ഫംഗസിനാൽ മരവിച്ച ഒരു ലോകത്തിലെ മനുഷ്യ മനസ്സുകളുടെ അടുപ്പത്തെ ഓരോ എപിസോടുകളിലും പ്രേക്ഷകന് കാണുവാൻ സാധിക്കും , ഓരോ എപിസോടുകളും പ്രേക്ഷകനെ ഭീതിയോടെടും അമ്പരപ്പോടെയും പിടിച്ചിരുത്തുന്നു , വിശാലമായ ഈ ലോകത്ത് ഒറ്റ പെട്ട് പോവുന്ന , ഭക്ഷണത്തിനും ജീവനും വേണ്ടി അലയുന്ന ഒരു കൂട്ടം മനുഷ്യരെ നമുക്ക് സീരിയസിലുടനീളം കാണുവാൻ സാധിക്കും , സീരിയസ് കണ്ട് കഴിയുമ്പോൾ ജീവിക്കാൻ വേണ്ടി സഹജീവികളെ പോലും ധയയില്ലാതെ കൊന്നു കളയേണ്ടി വരുന്ന മനുഷ്യൻ്റെ ഏറ്റവും മോശമായ അവസ്ഥ പ്രേക്ഷക മനസ്സിൽ തളം കെട്ടി കിടക്കും

🔻HBO പ്രൊഡക്ഷൻസും Sony പ്രൊഡക്ഷൻസും ഒരുമിച്ച് ചേർന്നാണ് സീരിയസ് നിർമ്മിച്ചിരിക്കുന്നത് അതിൻ്റെ ക്വാളിറ്റി പ്രേക്ഷകർക്ക് അവസാന എപിസോടിൻ്റെ അവസാന നിമിഷം വരെ അനുഭവിച്ചറിയാൻ സാധിക്കും തീർച്ചയാണ് , രോഗം ബാധിച്ച് നിലച്ചു പോയ ഒരു ലോകത്തെ വളരെ മികവോടെ തന്നെ ആവിഷ്കരിച്ചിരിക്കുന്നു , ഓരോ ഫ്രയിമിലും ആസ്വദ്ധാകന് പ്രതീക്ഷ നഷ്ട്ടപ്പെട്ടു അണഞ്ഞു നിൽക്കുന്ന ഒരു ലോകത്തെ കാഴ്ചയിലൂടെ തന്നെ അനുഭവിച്ചറിയാൻ സാധിക്കുന്നു എന്നുള്ളത് പ്രശംസ അർഹിക്കുന്നു , HBO നിർമ്മിക്കുന്ന ആദ്യത്തെ വീഡിയോ ഗെയിം ബേസ്ഡ് സീരിയസ് എന്ന പ്രത്യേകതയും ഇതിനുണ്ട്, സീസൺ 2 വിലേക്കുള്ള വഴി തുറന്നു വെച്ചു കൊണ്ടാണ് അവസാനത്തെ episode അവസാനിക്കുന്നത് 

🔻മുഴുവനായി പറയുമ്പോൾ ആക്ഷൻ , അഡ്വഞ്ചർ, സർവിവൽ, Sci-Fi പോലുള്ള ജോനറുകൾ ഇഷ്ട്ടപ്പെടുന്ന പ്രേക്ഷകർ തീർച്ചയായും കണ്ടിരിക്കേണ്ട സീരിയസുകളിലൊന്നായിട്ട് തോന്നി , 9 എപിസോടുകളിലായി ചെയ്ത് വെച്ചിരിക്കുന്ന ആദ്യ സീസൺ ഇപ്പോൾ Disney Plus Hotstar ൽ സംപ്രേക്ഷണം ചെയ്യുന്നു , നിസംശയം പറയാം ലോകത്തിലെ ഏറ്റവും മികച്ച സീരിയസുകളിലേക്ക് HBO യുടെ ഏറ്റവും പുതിയ സംഭാവന എന്ന്

My  Rating:★★★★☆

No Of Episodes : 9

Streaming Platform: Disney Hotstar

🔻പണം കൊണ്ട് എന്തും നേടിയെടുക്കാം  എല്ലാം തൻ്റെ കാൽകീഴിലാണ് തനിക്ക് എതിരെ നിൽക്കുന്നവരെയെല്ലാം അടിച്ചമർത്താൻ മടിയില്ലാത്ത അച്ചായൻ്റെ ( അലൻസിയറിൻ്റെ കഥാപാത്രം)  രണ്ടാം ഭാര്യയായി അതീവ സുന്ദരിയായ സെൽന ( സ്വാസിക) എത്തുന്നിടത്താണ് സിദ്ധാർത്ഥ് ഭരതൻ കഥ തുടങ്ങുന്നത് , ഇച്ചായൻ്റെ വാക്കുകളിൽ പറഞാൽ തനിക്ക് എന്തും ചെയ്യാനായി പണം കൊടുത്ത് വാങ്ങിയതാണ് സെൽനയെ ,  സ്നേഹവും അതിനേക്കാളേറെ വെറുപ്പുമുള്ള ഒരു ചതുരത്തിലേക്കാണ് സെൽനയെ പറിച്ച് നടുന്നത് 

🔻തുടക്കത്തിൽ ക്രൂരനായും പിന്നീട് തൻ്റെ അമ്പരപ്പിക്കുന്ന ഭാവാഭിനയത്തിലൂടെ പ്രേക്ഷക ഹൃദയം നേടിയെടുക്കുന്ന എൽദോച്ചായൻ എന്ന കഥാപാത്രം അലൻസിയർ മികച്ച രീതിയിൽ തന്നെ സിനിമയിൽ ചെയ്ത് വെച്ചിട്ടുണ്ട് , അതിൽ അദ്ദേഹം ഒരു വലിയ കയ്യടി തന്നെ അർഹിക്കുന്നു ഇതിന് മുമ്പ് "അപ്പൻ " എന്ന സിനിമയിലും അലൻസിയറുടെ ഇതേ തരത്തിലുള്ള മറ്റൊരു അൽഭുത പ്രകടനം കണ്ട് ഞെട്ടിയവർ ആണ് മലയാളി പ്രേക്ഷകർ 

 

🔻ജീവിതത്തിൽ ഒരുപാട് അധികം ലക്ഷ്യങ്ങളുള്ള ചെറുപ്പകാരനാണ് ബെൽതാസർ , ഒരു യുവാവ് എന്ന നിലയിൽ എല്ലാ ചാപല്യങ്ങളും അയാൾക്കുണ്ട് , എല്ലാ അർത്ഥത്തിലും തൻ്റെ സ്വന്തം കാര്യത്തിൽ സ്വാർഥൻ ആണെങ്കിലും തൻ്റെ ലക്ഷ്യങ്ങൾ നേടിയെടുക്കാൻ ഏതറ്റം വരെ പോവാൻ അയാൾക്കാവില്ല , ഒരു ലോല ഹൃദയത്തിനുടമയാണയാൾ ഇതിനും മുൻപും ഇതേ പാറ്റേണിലുള്ള കഥാപാത്രങ്ങൾ ചെയ്ത് സുപരിചിതനായ റോഷൻ മാത്യൂസിൻ്റെ കയ്യിലായത് കൊണ്ട് തന്നെ ബെൽതാസർ കഥയിലുടനീളം മുന്നിട്ട് തന്നെ നിന്നു 

🔻സഹ കഥാപാത്രങ്ങളെ വലിയ രീതിയിൽ സിനിമ ഫോക്കസ് ചെയ്യുന്നില്ല എങ്കിൽ കൂടെയും വളരെ കുറച്ച് രംഗങ്ങളിൽ മാത്രം വന്ന് ജാഫർ ഇടുക്കി തൻ്റെ സാനിദ്ധ്യം അറിയിച്ചിട്ടുണ്ട് , പ്രേക്ഷകരിൽ നർമ്മം ഉണർത്തുവാൻ സാധിക്കുന്ന ഒരു കഥാപാത്രം തന്നെയായിരുന്നു അത് ,ശാന്തി ബാലകൃഷ്ണൻ, പെങ്ങള്‍ തങ്കം, നിഷാദ് സാഗർ എന്നിവരും ഭേദപ്പെട്ട പ്രകടനം കാഴ്ചവച്ചു. 

🔻എല്ലാ മനുഷ്യരും ഓരോ ചതുരങ്ങളിലാണ് എന്നാണ് സിനിമ പറയാൻ ഉദ്ദേശിക്കുന്നത് , സദാചാരത്തിൻ്റെ , വീടിൻ്റെ , പണത്തിൻ്റെ, ഇങ്ങനെ പോവുന്നു മനുഷ്യനെ നിയന്ത്രിക്കുന്ന ചതുരങ്ങൾ, കഥാപാത്രങ്ങളെ വികസിപ്പിക്കുന്നതിനും അതിലൂടെ പ്രേക്ഷകരെ ചിന്തിപ്പിക്കുന്നതിലും സംവിധായകൻ വിജയിച്ചിട്ടുണ്ട് , മികച്ച് നിൽക്കുന്ന പശ്ചാത്തല സംഗീതം മിക്ക ഇടങ്ങളിലും പ്രേക്ഷകന് ആസ്വാദനത്തിൻ്റെ മറ്റൊരു അനുഭവം പകരുന്നുണ്ട് ,  

🔻 സാധാരണ സിനിമകൾക്ക് കൊടുക്കുന്ന ഒരു ending ചിത്രത്തിൽ കാണുവാൻ സാധിക്കുകയില്ല എന്നുള്ളത് പുതുമയുളവാക്കുന്നു , പുതുമയാർന്ന ത്രില്ലറുകൾ ഇഷ്ടപ്പെടുന്നവർക്ക് ധൈര്യമായി തിരഞ്ഞെടുക്കാം വ്യത്യസ്തമായ ഒരനുഭവം തന്നെയാണ് നിങ്ങളെ കാത്തിരിക്കുന്നത് ചിത്രം ഇപ്പോൾ " Saina Play " എന്ന OTT പ്ലാറ്റ്ഫോമിൽ ലഭ്യമാണ്

My Rating : ★★★☆☆ 1/2

Duration : 2hr 27m

OTT Platform : Saina Play