Nahas Abdulsalam

🔻കഥയിലേക്ക് വരുമ്പോൾ ഇടുക്കി ജില്ലയിലെ ചെറിയൊരു മലയോര ഗ്രാമത്തിൽ ഫോറിനേർസിനെ ട്രക്കിങ് ഒക്കെ കൊണ്ട് പോയി സാധാരണ ജീവിതം നയിക്കുന്ന ജോസ് എന്ന നായകൻ നാട്ടിൻ പുറത്തെ ജീവിതവും ചെറിയ ചെറിയ അടിപിടികളുമായി ജീവിതം നയിക്കുന്നു കൂട്ടുകാർക്കും നാട്ടുകാർക്കും പ്രിയപ്പെട്ട ജോസേട്ടായി, അങ്ങനെ ഇരിക്കെയാണ് നാട്ടിൽ ഉണ്ടാക്കിയ ഒരു ചെറിയ അടിപിടി കേസുമായി ബന്ധപ്പെട്ട് ജോസിന് നാട്ടിൽ നിന്നും ചെന്നൈയിലേക്ക് മാറി നിൽക്കേണ്ടി വരുന്നു , പ്രശ്നങ്ങൾ അവിടം കൊണ്ടും അവസാനിക്കുന്നില്ല ഒന്നിനു പിറകെ ഒന്നായി പ്രശ്നങ്ങൾ ജോസിനെ വേട്ടയാടുന്നു ചെന്നൈയിൽ താൻ അനിയനെ പോലെ കണ്ട് സ്നേഹിച്ച ജെറി ചെന്ന് പെടുന്ന ഒരു പ്രശ്നത്തിൽ ജോസും ഭാഗമാവുന്നു താൻ ഇതുവരെ ഉണ്ടാക്കിയ അടിപിടി കേസുകൾ പോലെ അത്ര ചെറുതല്ല ഈ പ്രശ്നം എന്ന് ജോസ് തിരിച്ചറിയുന്നത് ഏറെ വൈകിയാണ് അവിടെ നിന്നുമുള്ള ജോസിൻ്റെ പ്രതികാരവും രക്ഷപ്പെടലുകളുമൊക്കെയാണ് ചിത്രം പറയുന്നത്

🔻 ടർബോ ജോസായി മലായത്തിൻ്റെ മഹാ നടൻ മമ്മൂട്ടിയാണ് വേഷമിടുന്നത് ഈ പ്രായത്തിലും അഭിനയത്തോടുള്ള ആർത്തി തന്നെയാണ് ഇത്തരം ചിത്രങ്ങൾ തിരഞ്ഞെടുക്കുവാൻ അദ്ദേഹത്തെ പ്രേരിപ്പിക്കുന്ന ഘടകം എന്ന് നിസംശയം പറയേണ്ടി വരുന്ന തരത്തിലും പ്രകടനങ്ങളാണ് ചിത്രത്തിലുടനീളം ചെയ്തു വെച്ചിരിക്കുന്നത് സിനിമയെ വേറൊരു തലത്തിലേക്ക് എത്തിക്കുന്ന ചിത്രത്തിൻ്റെ നെടും തൂൺ തന്നെയാണ് മമ്മുക്കയുടെ ജോസ് എന്ന കഥാപാത്രം , വെട്രിവേൽ ഷൺമുഖ സുന്ദരം എന്ന സൂപ്പർ വില്ലനായി എത്തുന്നത് കന്നഡ താരം രാജ് ബി ഷെട്ടിയാണ് , ഒന്നിനോടും ഭയമില്ലാത്ത ജോസിന് ഒത്ത എതിരാളി തന്നെയാണ് വെട്രിവേൽ, രാജ് ബി ഷെട്ടിയെ വേണ്ടവിധം കൃത്യമായി ഉപയോഗിക്കാൻ വൈശാഖിന് സാധിച്ചിട്ടുണ്ട് എന്നതിൽ ഒരു സംശയവുമില്ല പിന്നീട് എടുത്ത് പറയേണ്ടത് ബിന്ദു പണിക്കറിൻ്റെ റോസക്കുട്ടി എന്ന അമ്മ വേഷമാണ് ആരെയും പേടിയില്ലത്ത ജോസിന് ഈ ലോകത്ത് പേടിയുള്ള ഒരേ ഒരാളായ അമ്മായായി ബിന്ദു പണിക്കർ നർമ്മം പരത്തുന്നുണ്ട് , സുനിൽ അവതരിപ്പിച്ച ഓട്ടോ ബില്ല എന്ന കഥാപാത്രവും മികച്ചതായിരുന്നു ഇവരെ കൂടാതെ അഞ്ജന ജയപ്രകാശ്, കബീർ ദുഹാൻ സിംഗ്, ശബരീഷ് വർമ്മ , അലക്സാണ്ടർ പ്രശാന്ത്, ജോണി ആൻ്റണി , ദിലീഷ് പോത്തൻ , നിരഞ്ജന അനൂപ് , അബിൻ ബിനോ, ശ്രുതി സുരേഷ്, ആമിന നിജം തുടങ്ങി വലിയൊരു താര നിര തന്നെ ചിത്രത്തിനുണ്ട് 

🔻സിനിമയുടെ പിന്നണിയിലേക്ക് വരുമ്പോൾ ആദ്യം പറയേണ്ട പേര് ക്രിസ്റ്റോ സേവ്യറിൻ്റെ തന്നെയാണ് ടർബോ ജോസിൻ്റെ പ്രകടനങ്ങൾക്ക് പുതു ജീവൻ നൽകുവാൻ ഓരോ തവണയും ക്രിസ്‌ടോയുടെ സ്കോറുകൾക്ക് സാധിച്ചിട്ടുണ്ട് , വിഷ്ണു ശർമ്മയാണ് ചിത്രത്തിൻ്റെ ഛായാഗ്രഹണം നിർവ്വഹിച്ചിരിക്കുന്നത് ഷമീർ മുഹമ്മതാണ് എഡിറ്റിംഗ് മിഥുൻ മാനുവലിൻ്റെ തിരക്കഥയിൽ വൈശാഖാണ് ചിത്രം സംവിധാനം ചെയ്തിരിക്കുന്നത് , വെയ്ഫറർ ഫിലിംസിൻ്റെ ബാനറിൽ മമ്മൂട്ടി കമ്പനിയാണ് ചിത്രം നിർമ്മിച്ചിരിക്കുന്നത് 

Genre : Action , Comedy 

Duration : 2h 35m 

My Rating : ★★★☆☆

🔻"ജയ ജയ ഹേ" എന്ന ഹിറ്റ് ചിത്രത്തിലൂടെ മലയാള സിനിമയിലേക്ക് അരങ്ങേറ്റം കുറിച്ച "വിപിൻ ദാസ്" എന്ന ഡയറാക്ടറുടെയൊപ്പം മലയാളി പ്രേക്ഷകർക്ക് എന്നും ഹിറ്റ് സിനിമകൾ മാത്രം സമ്മാനിച്ച് മുന്നേറുന്ന രണ്ടു യുവ നടന്മാരായ ബേസിൽ ജോസഫും പൃഥ്വിരാജും ഒരുമിച്ചു ഒരു കോമഡി ഫാമിലി എൻ്റർടെയിനർ വരുന്നു ഇത്രയും തന്നെ ധാരാളമായിരുന്നു മലയാളി പ്രേക്ഷകർക്ക് ടിക്കറ്റ് എടുക്കുവാൻ , ഫാമിലി കോമഡി എൻ്റർടെയ്നർ സിനിമകൾക്ക് ഏറ്റവും കൂടുതൽ ദാരിദ്ര്യം നേരിട്ട് കൊണ്ടിരിക്കുന്ന മലയാളം ഫിലിം ഇൻഡസ്ട്രിയിലേക്ക് ഒരു മികച്ച ആശ്വാസമായി തന്നെയാണ് ഈ ചിത്രം എത്തിയിരിക്കുന്നത് എന്ന് ആദ്യമേ തന്നെ പറയട്ടെ 1000 കോടി ക്ലബിലേക്ക് മാരത്തോൺ ഓട്ടം നടത്തിക്കൊണ്ടിരിക്കുന്ന മലയാളം ഫിലിം ഇൻഡസ്ട്രിയുടെ ഏറ്റവും ലേറ്റ്സ്റ് ആയിട്ടുള്ള എൻട്രി ആയിരിക്കും ഈ ചിത്രം എന്നതിൽ സംശയമില്ല 

STORYLINE

🔻 കഥയിലേക്ക് വരുമ്പോൾ ദുബായിലെ കോർപ്പറേറ്റ് കമ്പനിയിൽ ഉയർന്ന പൊസിഷനിൽ ജോലി ചെയ്തിരുന്ന വിനു രാമചന്ദ്രൻ തൻ്റെ കല്യാണത്തിനായി നാട്ടിലേക്ക് വരുകയാണ്, വിനു കല്യാണം കഴിക്കുന്നതാവട്ടെ മുൻകോപിയും കർക്കശക്കാരനുമായ ആനന്തൻ്റെ പെങ്ങളായ അഞ്ജലിയെയും , എല്ലാവരോടും ദേഷ്യത്തോടെ പെരുമാറുന്ന ആനന്തൻ ഈ ലോകത്ത് മറ്റാരക്കാളേറെ സ്നേഹിക്കുന്നത് തൻ്റെ അളിയനാവൻ പോകുന്ന വിനുവിനെയാണ് വിനുവിന് തിരിച്ചും അങ്ങനെ തന്നെയാണ് ഒരമ്മപെറ്റ സഹോദരങ്ങളെപ്പോലെ അങ്ങോട്ടുമിങ്ങോട്ടും സ്നേഹത്തോടെ മുന്നോട്ടു പോകുന്നവരാണ് ഇരുവരും തൻ്റെ പെങ്ങൾക്ക് വിനുവിനേക്കാൾ നല്ലൊരു പയ്യനെ ഇനി കിട്ടുകയില്ലെന്നും അവരുടെ കല്യാണം എത്രയും വേഗം നടക്കണമെന്നും ആത്മാർത്ഥമായി കരുതുന്ന അതേ ആനന്ദൻ തന്നെ കഥയുടെ രണ്ടാം പകുതിയിൽ ഒരിക്കലും ആ കല്യാണം നടക്കരുതെന്നു ആഗ്രഹിക്കുകയും അതിനു വേണ്ടി പല പണികൾ ഒപ്പിക്കുകയും ചെയ്യുന്നത് , അതിനുള്ള കാരണവും പിന്നീടുണ്ടാവുന്ന സംഭവ വികാസങ്ങളുമൊക്കെയാണ് ചിത്രത്തിന് ആസ്പദമായ കഥാ പശ്ചാത്തലം 

CAST & CREW

🔻വിനു രാമചന്ദ്രനായി ബേസിൽ ജോസഫ് തൻ്റെ സ്ഥിരം പാറ്റേണിൽ തിളങ്ങിയപ്പോൾ ആനന്ദൻ എന്ന മുൻകോപിയായി പൃഥ്വിരാജ് തൻ്റെ സ്ഥിരം പറ്റേണുകളും കംഫർട്ട് സോണും ഭേദിച്ച് കോമഡി എൻ്റർടെയ്നർ എന്ന ജോണറിൽ മികച്ച പ്രകടനം തന്നെയാണ് കാഴ്ചവെച്ചത് ചിത്രത്തിൻ്റെ ട്രെയിലർ പുറത്തിറങ്ങിയപ്പോൾ പൃഥ്വിരാജിൻ്റെ അഭിനയം ഒരു പക്ഷെ ചിത്രത്തിന് യോജിക്കില്ല എന്നുള്ള തരത്തിലുള്ള ചർച്ചകൾ ഉയർന്നിരുന്നു എന്നാൽ അതിനെയെല്ലാം നിഷ്പ്രഭമാക്കിക്കൊണ്ട് തൻ്റെ എക്സ്പീരിയൻസുകൊണ്ടും അഭിനയ മികവ് കൊണ്ടും വീണ്ടും താൻ ഒരു മികച്ച നടൻ തന്നെയാണ് എന്ന് പൃഥ്വിരാജ് ചിത്രത്തിലൂടെ തെളിയിക്കുകയാണ് , ആനന്തൻ്റെ അനിയത്തിയായ അഞ്ജലിയായി അനശ്വര രാജനും ഭാര്യയായ പാർവ്വതിയായി നിഖില വിമലും മികവുറ്റ പ്രകടനം തന്നെയാണ് കാഴ്ച വെച്ചത് , ഇവരെക്കൂടാതെ സിജു സണ്ണി, സാഫ് ബോയി, യോഗി ബാബു, ഇർഷാദ് , ജഗദീഷ്, ജോമോൻ ജ്യോതിർ,പി പി കുഞ്ഞികൃഷണൻ, കൗശിക് മേഹത്ത , നിവിൻ നായർ ,അമിത് മോഹൻ , അഖിൽ കവിയൂർ , ബൈജു, രേഖ തുടങ്ങി വലിയൊരു താര നിര തന്നെ ചിത്രത്തിനുണ്ട് എല്ലാവരും അവരുടേതായ പ്രകടനങ്ങൾ കൊണ്ട് ഈ ചിരിയുടെ മാല പടക്കത്തിന് കൂടുതൽ പൊലിമ നൽകി 

🔻സിനിമയുടെ പിന്നണിയിലേക്ക് വരുമ്പോൾ ദീപു പ്രദീപാണ് ചിത്രത്തിൻ്റെ തിരക്കഥ നിർവ്വഹിച്ചിരിക്കുന്നത് , ചിരി പിടിപ്പിക്കുന്ന ദീപുവിൻ്റെ തിരക്കഥയ്ക്ക് നീരജ് രവിയാണ് ഛായഗ്രഹണത്തിലൂടെ ജീവൻ നൽകിയത് , ഒപ്പം ജോണി കുട്ടിയുടെ എഡിറ്റിങ്ങും അങ്കിത് മേനേനോൻ്റെ സംഗീതവും കൂടി ചേർന്നപ്പോൾ സിനിമ മറ്റൊരു തലത്തിലേക്ക് എത്തി എന്നുള്ളത് പറയാതെ ഇരിക്കുവാൻ സാധിക്കില്ല E4 Entertainment and Prithviraj Productions എന്നിവയുടെ ബാനറിൽ സുപ്രിയ മേനോൻ ,മുകേഷ് ആർ മെഹ്ത , സി വി സാരഥി എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്

Genre : Comedy Drama 

Duration : 2h 14m 

My Rating : ★★★☆☆

🔻കഥയിലേക്ക് വരുമ്പോൾ കേരളത്തിൽ നിന്ന് ബാംഗ്ലൂരിലേക്ക് എൻജിനീയറിങ് പഠിക്കുവാൻ എത്തുന്ന മൂന്ന് വിദ്യാർത്ഥികൾ , കോളേജിലെ മുതിർന്ന വിദ്യാർഥികളിൽ നിന്നും നേരിടുന്ന പീഡനങൾ മൂവരുടെയും കലാലയ ജീവിതം ദുരിതത്തിലാഴ്‌ത്തുന്നു തിരിച്ച് അവർക്കിട്ടൊരു പണി കൊടുക്കുവാനും കോളേജിൽ തങ്ങൾക്ക് ഒരു വില ഉണ്ടാക്കി എടുക്കുവാനും വേണ്ടി മൂവരും ഒരു ലോക്കൽ കണക്ഷൻ ഉണ്ടാക്കിയെടുക്കാൻ ശ്രമിക്കുന്നു അങ്ങനെ മൂവരും എത്തിപ്പെടുന്നതാവട്ടെ ബാംഗളൂരിലെ തന്നെ മുതിര ഗുണ്ടാ തലവന്മാറിൽ ഒരാളയാ രംഗ അഥവാ രംഗണ്ണൻ്റെ അടുക്കലേക്കാണ് പിന്നീട് എല്ലാവരുടെയും ജീവിതത്തിൽ സംഭവിക്കുന്ന രസകരമായ സംഭവങ്ങളും അപ്രതീക്ഷിതമായ വഴി തിരിവുകളുമൊക്കെയാണ് ചിത്രത്തിൻ്റെ സാരാംശം 

🔻രംഗണ്ണനായി അഴിഞ്ഞാടിയ ഫഹദ് ഫാസിൽ തന്നെയാണ് ചിത്രത്തിൻ്റെ ജീവൻ , ഫഹദ് തൻ്റെ സിനിമാ ജീവിതത്തിൽ ഇത്രയും മികച്ച രീതിയിൽ ഇതിന് മുമ്പ് കോമഡി കൈകാര്യം ചെയ്തിട്ടില്ല അത്രയ്ക്കും മികച്ച പ്രകടനമാണ് രംഗയുടേത് സെക്കൻ്റ് ഹാഫിൽ എവിടെയോ താളം തെറ്റിയ സിനിമയെ തൻ്റെ എനർജറ്റിക് പെർഫോമൻസിലൂടെ മാത്രം മുഴുവൻ ശക്തിയോടെ തിരിച്ചു കൊണ്ട് വരാൻ ഫഹദിന് സാധിച്ചിട്ടുണ്ട് എന്നുള്ളത് എടുത്ത് പറയേണ്ടതാണ് ചിത്രത്തിൻ്റെ തുടക്കത്തിൽ എഴുതി കാണിച്ചത് പോലെ തന്നെ They Re-introduce the full potential of Fa-Fa അതേ ഫഹദ് ഫാസിൽ എന്ന നടൻ്റെ മാക്സിമം കഴിവ് പുറത്തേടുക്കുവാൻ സംവിധായകന് സാധിച്ചിട്ടുണ്ട് , പിന്നീട് എടുത്ത് പറയേണ്ടത് രംഗയുടെ വലം കൈ പോലെ എന്തിനും കൂടെ നിൽക്കുന്ന കൂട്ടാളിയായ അമ്പാനായി അഭിനയിച്ച് തകർത്ത സജിൻ ഗോപുവാണ് , ചെറിയ മുഖ ഭാവങ്ങളിൽ പോലും പ്രേക്ഷകർക്ക് ചിരി സമ്മാനിക്കുവാൻ സജിന് സാധിച്ചിട്ടുണ്ട് അത്രമേൽ മികവുറ്റതാണ് സജിൻ്റെ അമ്പാൻ എന്ന കഥാപാത്രം , തങ്കം മോഹൻ അവതരിപ്പിച്ച അമ്മയുടെ കഥാപാത്രവും കയ്യടി നേടുന്നുണ്ട് , രംഗയിൽ ഈ കഥാപാത്രം ചെലുത്തുന്ന സ്വാധീനം വളരെ വലുതാണ് അത് ഒരേ സമയം പ്രേക്ഷകരെ ചിരിപ്പിക്കുകയും ചിന്തിപ്പിക്കുകയും ചെയ്യുന്നു . ഇവരെ കൂടാതെ മലയാളി ഗെയിമറും യുട്യൂബ് സ്‌ട്രീമറുമായ പ്രണവ് എന്ന ഹിപ്സ്റ്റർ, മിഥുൻ ജെ എസ്സ് , റോഷൻ ഷാനവാസ് , മൻസൂർ അലിഖാൻ , പ്രമോദ് വെളിയനാട് , ആശിഷ് വിദ്യാർഥി , പൂജ മോഹൻ രാജ് , നീരജ രാജേന്ദ്രൻ , ശ്രീജിത്ത് നായർ തുടങ്ങി ഒരു വലിയ താര നിര തന്നെ ചിത്രത്തിനുണ്ട് എല്ലാവരും അവരുടെ റോളുകൾ മികവുറ്റതാക്കിയിട്ടുണ്ട്

🔻ചിത്രത്തിൻ്റെ പിന്നണിയിലേക്ക് വരുമ്പോൾ രംഗയുടെ ഓരോ നിമിഷങ്ങൾക്കും പ്രേക്ഷകർക്ക് ആസ്വാദനത്തിൻ്റെ മറ്റൊരു തലം സമ്മാനിക്കുവാൻ സുശിൻ ശ്യാമിൻ്റെ പശ്ചാത്തല സംഗീതത്തിന് സാധിച്ചിട്ടുണ്ട് എന്നുള്ളത് നിസംശയം പറയുവാൻ സാധിക്കും ഇപ്പോഴത്തെയും പോലെ തന്നെ തൻ്റെ ഭാഗം സുഷിൻ അധി ഗംഭീരമായി തന്നെ പൂർത്തിയാക്കിയിട്ടുണ്ട് , സമീർ താഹിറാണ് ചിത്രത്തിൻ്റെ ഛായാഗ്രഹണം , ചിത്രത്തിൻ്റെ സ്വഭാവത്തിന് അനുസൃതമായ രീതിയിൽ ജീവൻ തുളുമ്പുന്ന ഒരുപറ്റം സീനുകൾ ഒപ്പിയെടുക്കാൻ സമീറിൻ്റെ ക്യാമറയ്ക്ക് സാധിച്ചിട്ടുണ്ട് , വിവേക് ഹർഷനാണ് ചിത്രത്തിൻ്റെ എഡിറ്റർ അൻവർ റഷീദ് എൻ്റർടെയ്ൻമെൻ്റ്സിൻ്റെ ബാനറിൽ അൻവർ റഷീദ് , നസ്രിയ, ഫഹദ് ഫാസിൽ എന്നിവർ ചേർന്നാണ് സിനിമ നിർമ്മിച്ചിരിക്കുന്നത്

Genre : Comedy , Drama

Duration : 2h 30 m

My Rating : ★★★★☆

🔻 "ആട് ജീവിതം" ഈയൊരു പേര് കേൾക്കാത്ത മലയാളികൾ വിരളമായിരിക്കും വായനക്കാരെ കണ്ണീരണിയിച്ച ബെന്യാമിൻ്റെ തൂലികയിൽ നിന്നുമടർന്ന് വീണ നജീബ് എന്ന ആലപ്പുഴക്കാരൻ്റെ ജീവിത കഥ അതൊരു സിനിമയാകുന്നു നജീബായി വേഷമിടുന്നതാവട്ടെ മലയാളത്തിലെ ഏറ്റവും വലിയ യുവ നടന്മാരിലൊരാളായ പൃഥ്വിരാജ് സുകുമാരനും, കാത്തിരിക്കാൻ ഇതിലും വലിയ കാരണങ്ങൾ ഒന്നും വേണ്ടിയിരുന്നില്ല മലയാളി പ്രേക്ഷകർക്ക് ബ്ലെസ്സി എന്ന സംവിധായകൻ്റെ നീണ്ട 16 വർഷത്തെ കാത്തിരിപ്പിന് വിരാമം ഇന്നും കുറിച്ചപ്പോൾ നമ്മൾ ചിലപ്പോഴൊക്കെ പറയാറില്ലേ "Hard work pays off " അതിനൊരു മികച്ച ഉദാഹരണമായിഈ സിനിമ ഒരു വായനക്കാരൻ എന്ന നിലയിൽ എൻ്റെ പ്രതീക്ഷകൾക്ക് എത്രയോ മുകളിലേക്ക് ഉയരാൻ ചിത്രത്തിനായിട്ടുണ്ട് എന്ന് പറയാതെ ഇരിക്കാൻ വയ്യ മലയാള സിനിമയെ ലോക സിനിമ നിലവാരത്തിലേക്ക് എത്തിക്കുവാൻ പോകുന്ന എക്കാലവും മികച്ച എന്നും ഓർമ്മിക്കപ്പെടുവാൻ പോകുന്ന ഒരു മാസ്റ്റർപീസ് തന്നെയാണ് ചിത്രം എന്ന് തുടക്കം തന്നെ പറയട്ടെ 

🔻ചിത്രത്തിൻ്റെ കഥയിലേക്ക് വരുമ്പോൾ പുഴയിലെ മണൽ വാരലും ചെറിയ ചെറിയ ജോലികളുമായി ചെറിയൊരു ജീവിതം നയിച്ച് പോവുന്ന നജീബ് എന്ന ചെറുപ്പക്കാരൻ, സന്തോഷകരമായൊരു ദാമ്പത്യ ജീവിതവും തങ്ങളിലേക്ക് മൂന്നാമതൊരാൾ കൂടെ വരുന്നു എന്നൊരു തീരിച്ചറിവും ഏതൊരു സാധാരണക്കാരനെയും പോലെ നജീബിലും ഉത്തരവാദിത്വങ്ങളുടെ ഭാരം കൂട്ടുന്നു കുറച്ച് പണം സമ്പാദിക്കുവാനും തന്നെ ആശ്രയിക്കുന്നവർക്കു നല്ലൊരു ജീവിതം നൽകുവാനും പ്രിയപ്പെട്ടവരേ പിരിഞ്ഞിരിക്കുന്ന വിഷമം ഉണ്ടായിട്ടും അതും സഹിച്ചു തൻ്റെ സുഹൃത്തിൻ്റെ ഭാര്യ സഹോദരൻ നൽകിയ വിസയുമായി നജീബ് കടൽക്കടക്കുന്നൂ കൂടെ നജീബിന് കൂട്ടായി ഹക്കീം എന്ന മീഷപോലും മുളയ്ക്കാത്ത ഒരു ചെറുപ്പക്കാരനും , പ്രതീക്ഷകളുടെയും ആഗ്രഹങ്ങളുടെയും അമിത ഭാരവുമായി ആ പുതിയ നഗരത്തിലേക്ക് എത്തിപ്പെടുന്ന നജീബിനെയും ഹക്കീമിനെയും കാത്തിരുന്നത് സങ്കൽപ്പിക്കാൻ പോലും കഴിയാത്ത അത്ര കഠിനമായ അനുഭവങ്ങളായിരുന്നു ആടുകളെയും ഒട്ടകങ്ങളുടെയും ഇടയിലെ പേര് പോലെ തന്നെയുള്ള ഒരു മനുഷ്യൻ്റെ ആട് ജീവിതം അവിടെ നിന്നുള്ള നജീബിൻ്റെയും ഹക്കീമിൻ്റെയും രക്ഷപ്പെടലാണ് സിനിമയുടെ സാരാംശം

🔻നജീബ് മുഹമ്മദ് എന്ന കഥാപാത്രമായി മലയാളത്തിൻ്റെ ഏറ്റവും മികച്ച യുവ നടനായ പൃഥ്വിരാജ് തൻ്റെ സിനിമാ ജീവിതത്തിലെ തന്നെ ഏറ്റവും മികച്ച കഥാപാത്രങ്ങളിൽ ഒന്നാണ് ചെയ്തു വെച്ചിരിക്കുന്നത് , ഇതിനോടകം തന്നെ ചർച്ചയായ അദ്ദേഹത്തിൻ്റെ Body transformation എന്നതിൽ മാത്രം ഒതുങ്ങി നിൽക്കുന്നതല്ല അദ്ദേഹത്തിൻ്റെ ഈ സിനിമയ്ക്ക് വേണ്ടിയുള്ള കഷ്ടപ്പാട് സിനിമയിൽ എവിടെയും പൃഥ്വിരാജിനെ കാണുവാൻ സാധിച്ചില്ല എന്നുള്ളത് എടുത്ത് പറയേണ്ടത് തന്നെയാണ് അത്രയ്ക്കും മികച്ചതായിരുന്നു പൃഥ്വിരാജിൽ നിന്നും നജീബിലേക്കുള്ള പരകായ പ്രവേശം, എന്തിനേറെ പറയുന്നു ചില ആംഗ്യങ്ങൾ , ചില സീനുകളിലെ ശബ്ദത്തിൻ്റെ മോടുലേഷനുകൾ പോലും ഞെട്ടിച്ചു കളഞ്ഞു അദ്ദേഹത്തിൻ്റെ ഈയൊരു performance ന് നാഷണൽ അവാർഡിൽ കുറഞ്ഞതൊന്നും അർഹിക്കുന്നില്ല എന്ന് നിസംശയം പറയേണ്ടി വരും അത് പോലെ തന്നെ എടുത്ത് പറയേണ്ട അധികം ആരും കേൾക്കാത്ത ഒരു പേരാണ് ഹക്കീം എന്ന കഥാപാത്രം ചെയ്ത ഗോകുൽ എന്ന യുവ നടൻ്റെ അഭിനയം പൃഥ്വിരാജ് ഈ സിനിമയ്ക്ക് വേണ്ടി എന്തൊക്കെ കാര്യങൾ ചെയ്തിട്ടുണ്ടോ അതെല്ലാം അത് പോലെ തന്നെ അദ്ദേഹത്തോട് ഒപ്പം ചേർന്നു നിന്നുകൊണ്ടു ഗോകുലും ചെയ്തിട്ടുണ്ട് തൻ്റെ സിനിമ ജീവിതത്തിലെ ഏറ്റവും മികച്ച തുടക്കം തന്നെയാണ് ഗോകുലിന് ഈ സിനിമയിലൂടെ ലഭിച്ചിരിക്കുന്നത് , നജീബിൻ്റെ പ്രാണനായ സൈനുവായി അമല പോളും മികച്ച അഭിനയം തന്നെ കാഴ്ചവെച്ചിട്ടുണ്ട് , ഇവരെ കൂടാതെ Jimmy Jean Louis, Talib Al balushi, Rik Aby , Shobha Mohan ,Nazer Karutheni, തുടങ്ങി ഒരു വലിയ താര നിര തന്നെ ചിത്രത്തിനുണ്ട് ഓരോരുത്തരും അവരുടെ കഥാപാത്രത്തിന് അനുയോജ്യമായ മികച്ച പ്രകടനം തന്നെ കാഴ്ച വെച്ചിട്ടുണ്ട് 

🔻സിനിമയുടെ പിന്നണിയിലേക്ക് വരുമ്പോൾ ആദ്യം പറയേണ്ടത് ചിത്രത്തിന് ശബ്ദത്തിലൂടെ ജീവൻ നൽകിയ ഇന്ത്യ കണ്ട എക്കാലത്തെയും മികച്ച സംഗീത സംവിധായകനെ കുറിച്ചാണ് അതെ The Legend A R Rahman ഒരു സിനിമയ്ക്ക് സംഗീതം കൊടുക്കുന്ന ജീവനെ കുറിച്ച് എടുത്ത് പറയേണ്ടതില്ലല്ലോ ആ സംഗീതം ചെയ്യുന്നത് A R റഹ്മാനെ പോലെയൊരു മാന്ത്രികൻ കൂടെ ആണെങ്കിലോ ?? പ്രേക്ഷകരെ ഭീതിയിലൂടെ സഞ്ചരിച്ച് ധയനീയതയുടെ മൂർധന്വാവസ്ഥയിലേക്ക് എത്തിച്ച് പ്രതീക്ഷയുടെ തിരി നാളം കാണിക്കുവാൻ A.R റഹ്മാന് തൻ്റെ സംഗീതത്തിലൂടെ കഴിഞ്ഞിട്ടുണ്ട് തൻ്റെ കരിയറിലെ മികച്ച വർക്കുകളിൽ ഒന്നായി തന്നെ ആട് ജീവിതം അറിയപ്പെടും സംശയമില്ല , Sunil K.S , K.U Mohanan എന്നിവർ ചേർന്നാണ് ചിത്രത്തിൻ്റെ ഛായാഗ്രഹണം നിർവ്വഹിച്ചിരിക്കുന്നത് ട്രെയിലറിലൊക്കെ നമ്മളെ അമ്പരപ്പിച്ച ഫ്രയിമുകൾക്കും മുളകിൽ ജീവൻ തുളുമ്പുന്ന ഒരുപാട് ഫ്രെയിമുകൾ ചിത്രത്തിലുണ്ട് അത് ചിത്രത്തിൻ്റെ ആസ്വാദനത്തിന് കനം കൂട്ടുവാൻ സഹായിച്ചിട്ടുണ്ട് എന്ന് പറയാതെ ഇരിക്കുവാൻ സാധിക്കില്ല Finn George , Sreekar Prasad എന്നിവരാണ് ചിത്രത്തിൻ്റെ എഡിറ്റിംഗ് നിർവ്വഹിച്ചിരിക്കുന്നത് , ഈ ചിത്രം തീയേറ്ററുകളിൽ എത്തിയപ്പോൾ ചിത്രത്തിൻ്റെ പിന്നണിയും അത്രമേൽ അധ്വാനിച്ചിട്ടുണ്ട് ഈ സിനിമയുടെ മികവിന് വേണ്ടി എല്ലാവരുടെയും കൂട്ടായ അധ്വാനത്തിൻ്റെ ഭലമാണ് ലോകോത്തര നിലവാരമുള്ള ഈ മലയാള ചിത്രം

Genre : Drama , Survival Thriller 

Duration : 2h 52 m

My Rating : ★★★★★

Ram C/O Anandhi Book Review

📍നോവലിൻ്റെ ചെറിയ രീതിയിൽ സംഗ്രഹിക്കുകായാണ് എങ്കിൽ ആലപ്പുഴ ജില്ലയിലെ ചെറിയൊരു തീരദേശ ഗ്രാമത്തിൽ നിന്നും സിനിമ എന്ന വലിയ മോഹവുമായി സിനിമ പഠിക്കുവാനും ചെന്നൈ നഗരത്തിൻ്റെ മനോഹരിതയെ കുറിച്ച് ഒരു നോവൽ എഴുതണം എന്ന ലക്ഷ്യത്തോടെ ചെന്നൈയിൽ എത്തുന്ന ശ്രീ റാം എന്ന ചെറുപ്പകാരൻ , ചെന്നൈയിലെ തിരക്ക് പിടിച്ച നഗര ജീവിതത്തിലും അയാൾ പുതിയ പുതിയ ജീവിതാനുഭവങ്ങൾ കണ്ടെത്തുവാൻ ശ്രമിച്ചു കൊണ്ടേയിരുന്നു അങ്ങനെ റാമിൻ്റെ ജീവിതത്തിലേക്ക് അപ്രതീക്ഷിതമായി കടന്നു വരുന്നവരാണ് സഹപാഠികളായ വെട്രിയും , രേഷ്മയും , രേഷ്മയുടെയും വെട്രിയുടെയും സൗഹൃദം റാമിന് പുതിയ പുതിയ ബന്ധങ്ങൾ ചെന്നൈ നഗരത്തിൽ ഉണ്ടാക്കി കൊടുക്കുന്നു അങ്ങനെ റാമിൻ്റെ ജീവിതത്തിലേക്ക് കടന്നു വരുന്നവരാണ് പാട്ടിയും , ആനന്ധിയും , മല്ലിയുമൊക്കെ ലളിതമായൊരു ജീവിതം പ്രതീക്ഷിച്ച് ചെന്നൈ നഗരത്തിൽ എത്തിയ റാമിനെ ഈ സൗഹൃതങ്ങൾ കാരണം വരവേൽക്കുന്നത് അപ്രതീക്ഷിത സംഭവങ്ങളുടെ ഒരു ഘോഷയാത്ര തന്നെയായിരുന്നു , അവിടെ വെച്ചുള്ള റാമിൻ്റെയും കൂട്ടരുടെയും പ്രണയവും , യാത്രകളും പ്രതികാരവുമൊക്കെയാണ് നോവലിൻ്റെ സാരാംശം

📍നോവലിൻ്റെ പറ്റി അഖിൽ പി ധർമ്മജൻ പറയുന്നത് റാം C/O ആനന്ദിയെ താൻ ഒരു സിനിമാറ്റിക് നോവൽ എന്ന് വിളിക്കുവാൻ ആഗ്രഹിക്കുന്നു എന്നും ഒരു സിനിമ കാണുവാൻ ടിക്കറ്റ് എടുത്ത മനസ്സോടെ നിങ്ങൾക്ക് ഈ നോവലിനെ വായിക്കുവാൻ സാധിക്കുമെന്നുമാണ് , ഈ നോവൽ എഴുതുവാൻ വേണ്ടി താൻ 2 വർഷത്തോളം കാലം ചെന്നയിൽ താമസിച്ചിരുന്നു എന്നും അവിടെ വെച്ചുണ്ടായ അനുഭവങ്ങളും അബദ്ധത്തിൽ ചെന്ന് ചാടിയ പ്രശ്നങ്ങളും മുൻ നിർത്തിയാണ് ഈ നോവൽ താൻ മുഴുവനാക്കിയത് എന്നും പറയുന്നു , നോവലിസ്റ്റ് പറഞ്ഞ ഈ കാര്യങ്ങളൊക്കെയും വായിക്കുന്ന ഏതൊരു പ്രേക്ഷകനും നോവൽ വായിക്കുമ്പോൾ എളുപ്പത്തിൽ കണക്ട് ചെയ്യുവാൻ സാധിക്കും എന്നതിൽ സംശയമില്ല അത്ര മനോഹരമായും ആഴത്തിലുമാണ് അഖിൽ ചെന്നൈ നഗരത്തെ ഈ നോവലിലൂടെ എഴുതി വെച്ചിരിക്കുന്നത് , വളരെയധികം സമകാലിക പ്രസക്തിയുള്ള ചില വിഷയങ്ങളെ വളരെ ലളിതമായും അർത്തവത്തായ രീതിയിലും അവതരിപ്പിച്ചിരിക്കുന്നു എന്നുള്ളത് എടുത്ത് പറയേണ്ട മറ്റൊരു കാര്യം തന്നെയാണ് 

📍മുഴുവനായി പറയുമ്പോൾ നിങ്ങളൊരു തികഞ്ഞ സിനിമാ പ്രേമിയും ബുക്കുകൾ വായിക്കുവാൻ വളരെയധികം ഇഷ്ടപ്പെടുന്ന ഒരാളുമാണ് എങ്കിൽ തീർച്ചയായും തിരഞ്ഞെടുക്കാവുന്ന മനോഹരമായ ഒരു ബുക്കാണ് റാം CO ആനന്ദി വളരെയധികം ലളിതമായ ഭാഷ ഉപയോഗിച്ചിരിക്കുന്നു എന്നതിനാൽ തന്നെ ഏതൊരു തുടക്കക്കാരനും എളുപ്പത്തിൽ വായിച്ചു തീർക്കുവാൻ സാധിക്കും എന്നതിൽ സംശയമില്ല ബുക്കിൻ്റെ തുടക്കത്തിൽ പറയുന്നത് പോലെ തന്നെ "ചെന്നൈ ഉങ്കളെ അൻപുടൻ വരവേർക്കിത്" അതെ ഓരോ അക്ഷരങ്ങളിലൂടെ വായനക്കാർക്ക് ചെന്നൈ നഗരത്തിൻ്റെ മനോഹാരിത ആസ്വദിക്കാം 

Publishers: DC Books 

No: of pages : 320

Purchasing Link : CLICK HERE TO BUY

Storyline

🔻ചിത്രത്തിൻ്റെ കഥയിലേക്ക് വരുമ്പോൾ എറണാകുളം ജില്ലയിലെ ചെറിയൊരു ഗ്രാമ പ്രദേശമായ മഞ്ഞുമ്മൽ , സാധാരണക്കാരായ ചെറിയ ജോലികൾ ചെയ്ത് ആഴ്ചയിൽ ഒരിക്കൽ കിട്ടുന്ന അവധി ദിവസത്തിലെ സന്തോഷം പ്രതീക്ഷിച്ച് ജീവിക്കുന്ന ഒരുകൂട്ടം ചെറുപ്പക്കാർ , അവരുടെ കഥയാണ് മഞ്ഞുമ്മെൽ ബോയ്സ്, അങ്ങനെ ചെറിയ സന്തോഷനങ്ങളിലൂടെ ജീവിതം മുന്നോട്ട് നയിച്ചു കൊണ്ട് പോയിരുക്കുമ്പോഴാണ് ഒരു ഓണക്കാലത്ത് എല്ലാവരും കൂടെ ഒരു യാത്ര പോകുവാൻ തീരുമാനിക്കുന്നത് , ഒത്തിരി ആലോചനകൾക്ക് ശേഷം കൊടൈക്കനാൽ എന്ന സുന്ദര പ്രദേശത്തെ യാത്രയ്ക്കായി അവർ തിരഞ്ഞെടുക്കുന്നു , അങ്ങനെ എല്ലാം മറന്ന് സന്തോഷം മാത്രം നിറഞ്ഞൊരു യാത്ര തുടങ്ങുന്നു , യാത്രയുടെ അവസാന ലൊക്കേഷൻ ആയി തിരഞ്ഞെടുക്കുന്നതോ 90 കളിൽ ഉലക നായകൻ കമൽ ഹാസൻ അഭിനയിച്ച "ഗുണ" എന്ന സിനിമയുടെ ലൊക്കേഷൻ ആയ ഗുണ കേവും , സന്ദർശകർക്ക് നിയമ പരമായി വളരെയധികം പരിമിധിയുള്ള സ്ഥലമായിരുന്നിട്ട് കൂടിയും അത് വക വെയ്ക്കാതെ ആ പത്ത് ചെറുപ്പക്കാരും ഗുഹയുടെ അടി തട്ടിൻ്റെ ഭാഗത്തേക്ക് കടക്കുന്നു അവിടെ വെച്ച് കൂട്ടത്തിലെ സുഭാഷ് എന്ന ചെറുപ്പക്കാരൻ 900 അടി താഴ്ചയിലേക്ക് അകപ്പെടുന്നു, നിയമ സംവിധാനങ്ങളും നാട്ടുകാരും അവർക്ക് എതിരെയാവുന്നു എന്നിട്ടും അതൊന്നും വക വയ്ക്കാതെ തങ്ങളുടെ പ്രിയ സുഹൃത്തിനെ ജീവൻ പണയം വെച്ചവർ രക്ഷിക്കുന്നതാണ് ചിത്രത്തിൻ്റെ സാരാംശം , ഇത് ഒരു റിയൽ ലൈഫ് സ്റ്റോറി ആണ് എന്നുള്ളത് തന്നെയാണ് ഓരോ പ്രേക്ഷകനെയും അമ്പരപ്പിക്കുന്നത് 

Cast&Crew

🔻 ഗുണ കേവിൽ അകപ്പെടുന്ന സുഭാഷ് എന്ന ചെറുപ്പക്കാരനായി ശ്രീനാഥ് ഭാസി മികച്ച പ്രകടനം കാഴ്ചവെച്ചപ്പോൾ , തൻ്റെ പ്രിയ സുഹൃത്തിൻ്റെ ജീവന് വേണ്ടി തൻ്റെ ജീവൻ പോലും പണയം വെക്കുന്ന കൂട്ടത്തിലെ മുതിർന്നയാളായ കുട്ടൻ അഥവാ കുട്ടേട്ടനായി സൗബിൻ ഷാഹിർ തൻ്റെ മികച്ച പ്രകടനം തന്നെയാണ് കാഴ്ച വെച്ചിരിക്കുന്നത് , കുട്ടൻ തൻ്റെ പ്രകടനത്തിലൂടെ മാത്രം പ്രേക്ഷകൻ്റെ നെഞ്ചിലേക്ക് ആഴ്‌ന്നിറങ്ങുന്നുണ്ട് സിനിമയിൽ, ബാലു വർഗ്ഗീസ്, ഗണപതി, ദീപക് പരമ്പോൾ ,അഭിരാം രാധ കൃഷ്ണൻ , ജീൻ പോൾ ലാൽ , ചന്തു സലിം കുമാർ, അരുൺ കുരിയൻ, വിഷ്ണു രഘു തുടങ്ങിയവരാണ് മഞ്ഞുമ്മൽ ബോയിസിലെ മറ്റംഗങ്ങൾ , ഓരോരുത്തരും അവരവരുടേതായ പ്രകടനം കൊണ്ട് മികച്ചു തന്നെ നിൽക്കുന്നു , സുഹൃത്ത് ബന്ധത്തിൻ്റെ ആഴം പറയുന്ന കഥാ പശ്ചാത്തലമായത്തിനാൽ തന്നെ എല്ലാവരുടെയും പ്രാധാന്യം ചിത്രത്തിലുണ്ട് , ഇവരെ കൂടാതെ ഷെബിൻ ബെൻസൺ, ഖാലിദ് റഹ്മാൻ , തമിഴിൽ നിന്നും ജോർജ് മാര്യൻ തുടങ്ങി ഒരു വലിയ താര നിര തന്നെ ചിത്രത്തിൻ്റെ ഭാഗമാവുന്നുണ്ട് എല്ലാവരും ഒന്നിനൊന്ന് മികവുറ്റ പ്രകടനം തന്നെയാണ് കാഴ്ച്ച വെച്ചിരിക്കുന്നത് 

🔻സിനിമയുടെ പിന്നണിയിലേക്ക് വരുമ്പോൾ ആദ്യം തന്നെ ഓർമ്മ വരുന്നത് സുഷിൻ ശ്യാമിനെ തന്നെയാണ് തൻ്റെ വാക്കുകളോട് നൂറു ശതമാനം നീതി പുലർത്തുന്ന അതി ഗംഭീരമായ വർക്ക് തന്നെയാണ് സുഷിൻ മഞ്ഞുമ്മൽ ബോയിസിന് വേണ്ടി ഒരുക്കിയിരിക്കുന്നത് , ചില സീനുകളിൽ പ്രേക്ഷകരെ ഭയാനതയുടെ അറ്റം ഇല്ലാത്ത ആഴത്തിലേക്ക് തള്ളിയിടുവാൻ സുഷിൻ്റെ സ്കോറുകൾക് കഴിഞ്ഞിട്ടുണ്ട് എന്നുള്ളത് പറയാതെ ഇരിക്കുവാൻ കഴിയില്ല , സുഷിൻ്റെ ഓരോ സ്കോറുകളും പ്രേക്ഷകരെ ആസ്വാദനത്തിൻ്റെ മറ്റൊരു തലത്തിലേക്ക് കൊണ്ടെത്തിക്കുന്നു , സുഷിൻ ശ്യാം എന്ന പേര് കൊണ്ട് മാത്രം മലയാളി പ്രേക്ഷകർ സിനിമയ്ക്ക് ടിക്കറ്റ് എടുക്കുന്ന ഒരു കാലം വിദൂരമല്ല അത്രയ്ക്ക് പ്രോമിസിങ് ആണ് സുഷിൻ്റെ ഓരോ വർക്കുകളും , ഷൈജു ഖാലിദാണ് ചിത്രത്തിൻ്റെ ഛായാഗ്രഹണം നിർവ്വഹിച്ചിരിക്കുന്നത് ജീവൻ തുളുമ്പുന്ന ഒരു പറ്റം മറക്കാനാവാത്ത ഷോട്ടുകൾ ഷൈജു ചിത്രത്തിലൂടെ പ്രേക്ഷകർക്ക് സമ്മാനിക്കുന്നുണ്ട്, പറവ ഫിലിംസിൻ്റെ ബാനറിൽ ഷോൺ ആൻ്റണി, ബാബു ഷാഹിർ , സൗബിൻ ഷാഹിർ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത് , അനുഗ്രഹീതരായ ഒരുപറ്റം കലാകാരന്മാരുടെ കൂട്ടായ പരിശ്രമത്തിൻ്റെ ഭലം സിനിമയായി തീയേറ്ററിൽ എത്തിയപ്പോൾ ഓരോ പ്രേക്ഷകനും ഭീതിയോടെ ഒരു കൊടൈക്കനാൽ യാത്ര നടത്തിയ അനുഭവം ലഭിക്കുന്നു എന്നുള്ളത് എടുത്ത പറയാതെ ഇരിക്കുവാൻ സാധിക്കില്ല

Duration : 2h 15m

Gene : Comedy ,Drama , Thriller , Adventure

My Rating : ★★★★☆