Nahas Abdulsalam

Ram C/O Anandhi Book Review

📍നോവലിൻ്റെ ചെറിയ രീതിയിൽ സംഗ്രഹിക്കുകായാണ് എങ്കിൽ ആലപ്പുഴ ജില്ലയിലെ ചെറിയൊരു തീരദേശ ഗ്രാമത്തിൽ നിന്നും സിനിമ എന്ന വലിയ മോഹവുമായി സിനിമ പഠിക്കുവാനും ചെന്നൈ നഗരത്തിൻ്റെ മനോഹരിതയെ കുറിച്ച് ഒരു നോവൽ എഴുതണം എന്ന ലക്ഷ്യത്തോടെ ചെന്നൈയിൽ എത്തുന്ന ശ്രീ റാം എന്ന ചെറുപ്പകാരൻ , ചെന്നൈയിലെ തിരക്ക് പിടിച്ച നഗര ജീവിതത്തിലും അയാൾ പുതിയ പുതിയ ജീവിതാനുഭവങ്ങൾ കണ്ടെത്തുവാൻ ശ്രമിച്ചു കൊണ്ടേയിരുന്നു അങ്ങനെ റാമിൻ്റെ ജീവിതത്തിലേക്ക് അപ്രതീക്ഷിതമായി കടന്നു വരുന്നവരാണ് സഹപാഠികളായ വെട്രിയും , രേഷ്മയും , രേഷ്മയുടെയും വെട്രിയുടെയും സൗഹൃദം റാമിന് പുതിയ പുതിയ ബന്ധങ്ങൾ ചെന്നൈ നഗരത്തിൽ ഉണ്ടാക്കി കൊടുക്കുന്നു അങ്ങനെ റാമിൻ്റെ ജീവിതത്തിലേക്ക് കടന്നു വരുന്നവരാണ് പാട്ടിയും , ആനന്ധിയും , മല്ലിയുമൊക്കെ ലളിതമായൊരു ജീവിതം പ്രതീക്ഷിച്ച് ചെന്നൈ നഗരത്തിൽ എത്തിയ റാമിനെ ഈ സൗഹൃതങ്ങൾ കാരണം വരവേൽക്കുന്നത് അപ്രതീക്ഷിത സംഭവങ്ങളുടെ ഒരു ഘോഷയാത്ര തന്നെയായിരുന്നു , അവിടെ വെച്ചുള്ള റാമിൻ്റെയും കൂട്ടരുടെയും പ്രണയവും , യാത്രകളും പ്രതികാരവുമൊക്കെയാണ് നോവലിൻ്റെ സാരാംശം

📍നോവലിൻ്റെ പറ്റി അഖിൽ പി ധർമ്മജൻ പറയുന്നത് റാം C/O ആനന്ദിയെ താൻ ഒരു സിനിമാറ്റിക് നോവൽ എന്ന് വിളിക്കുവാൻ ആഗ്രഹിക്കുന്നു എന്നും ഒരു സിനിമ കാണുവാൻ ടിക്കറ്റ് എടുത്ത മനസ്സോടെ നിങ്ങൾക്ക് ഈ നോവലിനെ വായിക്കുവാൻ സാധിക്കുമെന്നുമാണ് , ഈ നോവൽ എഴുതുവാൻ വേണ്ടി താൻ 2 വർഷത്തോളം കാലം ചെന്നയിൽ താമസിച്ചിരുന്നു എന്നും അവിടെ വെച്ചുണ്ടായ അനുഭവങ്ങളും അബദ്ധത്തിൽ ചെന്ന് ചാടിയ പ്രശ്നങ്ങളും മുൻ നിർത്തിയാണ് ഈ നോവൽ താൻ മുഴുവനാക്കിയത് എന്നും പറയുന്നു , നോവലിസ്റ്റ് പറഞ്ഞ ഈ കാര്യങ്ങളൊക്കെയും വായിക്കുന്ന ഏതൊരു പ്രേക്ഷകനും നോവൽ വായിക്കുമ്പോൾ എളുപ്പത്തിൽ കണക്ട് ചെയ്യുവാൻ സാധിക്കും എന്നതിൽ സംശയമില്ല അത്ര മനോഹരമായും ആഴത്തിലുമാണ് അഖിൽ ചെന്നൈ നഗരത്തെ ഈ നോവലിലൂടെ എഴുതി വെച്ചിരിക്കുന്നത് , വളരെയധികം സമകാലിക പ്രസക്തിയുള്ള ചില വിഷയങ്ങളെ വളരെ ലളിതമായും അർത്തവത്തായ രീതിയിലും അവതരിപ്പിച്ചിരിക്കുന്നു എന്നുള്ളത് എടുത്ത് പറയേണ്ട മറ്റൊരു കാര്യം തന്നെയാണ് 

📍മുഴുവനായി പറയുമ്പോൾ നിങ്ങളൊരു തികഞ്ഞ സിനിമാ പ്രേമിയും ബുക്കുകൾ വായിക്കുവാൻ വളരെയധികം ഇഷ്ടപ്പെടുന്ന ഒരാളുമാണ് എങ്കിൽ തീർച്ചയായും തിരഞ്ഞെടുക്കാവുന്ന മനോഹരമായ ഒരു ബുക്കാണ് റാം CO ആനന്ദി വളരെയധികം ലളിതമായ ഭാഷ ഉപയോഗിച്ചിരിക്കുന്നു എന്നതിനാൽ തന്നെ ഏതൊരു തുടക്കക്കാരനും എളുപ്പത്തിൽ വായിച്ചു തീർക്കുവാൻ സാധിക്കും എന്നതിൽ സംശയമില്ല ബുക്കിൻ്റെ തുടക്കത്തിൽ പറയുന്നത് പോലെ തന്നെ "ചെന്നൈ ഉങ്കളെ അൻപുടൻ വരവേർക്കിത്" അതെ ഓരോ അക്ഷരങ്ങളിലൂടെ വായനക്കാർക്ക് ചെന്നൈ നഗരത്തിൻ്റെ മനോഹാരിത ആസ്വദിക്കാം 

Publishers: DC Books 

No: of pages : 320

Purchasing Link : CLICK HERE TO BUY

Storyline

🔻ചിത്രത്തിൻ്റെ കഥയിലേക്ക് വരുമ്പോൾ എറണാകുളം ജില്ലയിലെ ചെറിയൊരു ഗ്രാമ പ്രദേശമായ മഞ്ഞുമ്മൽ , സാധാരണക്കാരായ ചെറിയ ജോലികൾ ചെയ്ത് ആഴ്ചയിൽ ഒരിക്കൽ കിട്ടുന്ന അവധി ദിവസത്തിലെ സന്തോഷം പ്രതീക്ഷിച്ച് ജീവിക്കുന്ന ഒരുകൂട്ടം ചെറുപ്പക്കാർ , അവരുടെ കഥയാണ് മഞ്ഞുമ്മെൽ ബോയ്സ്, അങ്ങനെ ചെറിയ സന്തോഷനങ്ങളിലൂടെ ജീവിതം മുന്നോട്ട് നയിച്ചു കൊണ്ട് പോയിരുക്കുമ്പോഴാണ് ഒരു ഓണക്കാലത്ത് എല്ലാവരും കൂടെ ഒരു യാത്ര പോകുവാൻ തീരുമാനിക്കുന്നത് , ഒത്തിരി ആലോചനകൾക്ക് ശേഷം കൊടൈക്കനാൽ എന്ന സുന്ദര പ്രദേശത്തെ യാത്രയ്ക്കായി അവർ തിരഞ്ഞെടുക്കുന്നു , അങ്ങനെ എല്ലാം മറന്ന് സന്തോഷം മാത്രം നിറഞ്ഞൊരു യാത്ര തുടങ്ങുന്നു , യാത്രയുടെ അവസാന ലൊക്കേഷൻ ആയി തിരഞ്ഞെടുക്കുന്നതോ 90 കളിൽ ഉലക നായകൻ കമൽ ഹാസൻ അഭിനയിച്ച "ഗുണ" എന്ന സിനിമയുടെ ലൊക്കേഷൻ ആയ ഗുണ കേവും , സന്ദർശകർക്ക് നിയമ പരമായി വളരെയധികം പരിമിധിയുള്ള സ്ഥലമായിരുന്നിട്ട് കൂടിയും അത് വക വെയ്ക്കാതെ ആ പത്ത് ചെറുപ്പക്കാരും ഗുഹയുടെ അടി തട്ടിൻ്റെ ഭാഗത്തേക്ക് കടക്കുന്നു അവിടെ വെച്ച് കൂട്ടത്തിലെ സുഭാഷ് എന്ന ചെറുപ്പക്കാരൻ 900 അടി താഴ്ചയിലേക്ക് അകപ്പെടുന്നു, നിയമ സംവിധാനങ്ങളും നാട്ടുകാരും അവർക്ക് എതിരെയാവുന്നു എന്നിട്ടും അതൊന്നും വക വയ്ക്കാതെ തങ്ങളുടെ പ്രിയ സുഹൃത്തിനെ ജീവൻ പണയം വെച്ചവർ രക്ഷിക്കുന്നതാണ് ചിത്രത്തിൻ്റെ സാരാംശം , ഇത് ഒരു റിയൽ ലൈഫ് സ്റ്റോറി ആണ് എന്നുള്ളത് തന്നെയാണ് ഓരോ പ്രേക്ഷകനെയും അമ്പരപ്പിക്കുന്നത് 

Cast&Crew

🔻 ഗുണ കേവിൽ അകപ്പെടുന്ന സുഭാഷ് എന്ന ചെറുപ്പക്കാരനായി ശ്രീനാഥ് ഭാസി മികച്ച പ്രകടനം കാഴ്ചവെച്ചപ്പോൾ , തൻ്റെ പ്രിയ സുഹൃത്തിൻ്റെ ജീവന് വേണ്ടി തൻ്റെ ജീവൻ പോലും പണയം വെക്കുന്ന കൂട്ടത്തിലെ മുതിർന്നയാളായ കുട്ടൻ അഥവാ കുട്ടേട്ടനായി സൗബിൻ ഷാഹിർ തൻ്റെ മികച്ച പ്രകടനം തന്നെയാണ് കാഴ്ച വെച്ചിരിക്കുന്നത് , കുട്ടൻ തൻ്റെ പ്രകടനത്തിലൂടെ മാത്രം പ്രേക്ഷകൻ്റെ നെഞ്ചിലേക്ക് ആഴ്‌ന്നിറങ്ങുന്നുണ്ട് സിനിമയിൽ, ബാലു വർഗ്ഗീസ്, ഗണപതി, ദീപക് പരമ്പോൾ ,അഭിരാം രാധ കൃഷ്ണൻ , ജീൻ പോൾ ലാൽ , ചന്തു സലിം കുമാർ, അരുൺ കുരിയൻ, വിഷ്ണു രഘു തുടങ്ങിയവരാണ് മഞ്ഞുമ്മൽ ബോയിസിലെ മറ്റംഗങ്ങൾ , ഓരോരുത്തരും അവരവരുടേതായ പ്രകടനം കൊണ്ട് മികച്ചു തന്നെ നിൽക്കുന്നു , സുഹൃത്ത് ബന്ധത്തിൻ്റെ ആഴം പറയുന്ന കഥാ പശ്ചാത്തലമായത്തിനാൽ തന്നെ എല്ലാവരുടെയും പ്രാധാന്യം ചിത്രത്തിലുണ്ട് , ഇവരെ കൂടാതെ ഷെബിൻ ബെൻസൺ, ഖാലിദ് റഹ്മാൻ , തമിഴിൽ നിന്നും ജോർജ് മാര്യൻ തുടങ്ങി ഒരു വലിയ താര നിര തന്നെ ചിത്രത്തിൻ്റെ ഭാഗമാവുന്നുണ്ട് എല്ലാവരും ഒന്നിനൊന്ന് മികവുറ്റ പ്രകടനം തന്നെയാണ് കാഴ്ച്ച വെച്ചിരിക്കുന്നത് 

🔻സിനിമയുടെ പിന്നണിയിലേക്ക് വരുമ്പോൾ ആദ്യം തന്നെ ഓർമ്മ വരുന്നത് സുഷിൻ ശ്യാമിനെ തന്നെയാണ് തൻ്റെ വാക്കുകളോട് നൂറു ശതമാനം നീതി പുലർത്തുന്ന അതി ഗംഭീരമായ വർക്ക് തന്നെയാണ് സുഷിൻ മഞ്ഞുമ്മൽ ബോയിസിന് വേണ്ടി ഒരുക്കിയിരിക്കുന്നത് , ചില സീനുകളിൽ പ്രേക്ഷകരെ ഭയാനതയുടെ അറ്റം ഇല്ലാത്ത ആഴത്തിലേക്ക് തള്ളിയിടുവാൻ സുഷിൻ്റെ സ്കോറുകൾക് കഴിഞ്ഞിട്ടുണ്ട് എന്നുള്ളത് പറയാതെ ഇരിക്കുവാൻ കഴിയില്ല , സുഷിൻ്റെ ഓരോ സ്കോറുകളും പ്രേക്ഷകരെ ആസ്വാദനത്തിൻ്റെ മറ്റൊരു തലത്തിലേക്ക് കൊണ്ടെത്തിക്കുന്നു , സുഷിൻ ശ്യാം എന്ന പേര് കൊണ്ട് മാത്രം മലയാളി പ്രേക്ഷകർ സിനിമയ്ക്ക് ടിക്കറ്റ് എടുക്കുന്ന ഒരു കാലം വിദൂരമല്ല അത്രയ്ക്ക് പ്രോമിസിങ് ആണ് സുഷിൻ്റെ ഓരോ വർക്കുകളും , ഷൈജു ഖാലിദാണ് ചിത്രത്തിൻ്റെ ഛായാഗ്രഹണം നിർവ്വഹിച്ചിരിക്കുന്നത് ജീവൻ തുളുമ്പുന്ന ഒരു പറ്റം മറക്കാനാവാത്ത ഷോട്ടുകൾ ഷൈജു ചിത്രത്തിലൂടെ പ്രേക്ഷകർക്ക് സമ്മാനിക്കുന്നുണ്ട്, പറവ ഫിലിംസിൻ്റെ ബാനറിൽ ഷോൺ ആൻ്റണി, ബാബു ഷാഹിർ , സൗബിൻ ഷാഹിർ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത് , അനുഗ്രഹീതരായ ഒരുപറ്റം കലാകാരന്മാരുടെ കൂട്ടായ പരിശ്രമത്തിൻ്റെ ഭലം സിനിമയായി തീയേറ്ററിൽ എത്തിയപ്പോൾ ഓരോ പ്രേക്ഷകനും ഭീതിയോടെ ഒരു കൊടൈക്കനാൽ യാത്ര നടത്തിയ അനുഭവം ലഭിക്കുന്നു എന്നുള്ളത് എടുത്ത പറയാതെ ഇരിക്കുവാൻ സാധിക്കില്ല

Duration : 2h 15m

Gene : Comedy ,Drama , Thriller , Adventure

My Rating : ★★★★☆

Cast&Crew

🔻കൊടുമൺ പോറ്റി എന്ന മലയാള സിനിമ കണ്ട എക്കാലത്തെയും മികച്ച വില്ലനായി സിനിമയുടെ പ്രധാന ആകർഷണമായി മാറുന്നത് മലയാളത്തിൻ്റെ മഹാ നടൻ മമ്മൂട്ടിയാണ് ഈ പ്രായത്തിലും തൻ്റെ സ്ക്രിപ്റ്റ് സെലക്ഷനും അഭിനയത്തോടുള്ള അടങ്ങാത്ത ആർത്തിയും ഓരോ പ്രേക്ഷകരെയും അമ്പരപ്പിക്കുന്ന തരത്തിലാണ് തൻ്റെ സഹ പ്രവർത്തകർ ആയിരുന്നവരുടെ പിൻ തലമുറക്കാരുമായിയാണ് ഈ 73 കാരൻ്റെ മത്സരം എന്നത് ഏതൊരു സിനിമാ പ്രേമിയെയും അമ്പരപ്പിക്കുന്നതാണ് , എന്തിനേറെ പറയുന്നു തൻ്റെ ഒരു ചിരിയിൽ പോലും കൊടുമൺ പോറ്റി എന്ന അധികാരിയുടെ ദുഷിച്ച മുഖം പ്രേക്ഷകന് കാണുവാൻ സാധിച്ചു എന്നുള്ളത് എടുത്ത് പറയേണ്ടതാണ് , അടുത്തതായി എടുത്ത് പറയേണ്ടത് തേവർ എന്ന പാണനിലൂടെ തൻ്റെ സിനിമ ജീവിതത്തിലെ മികച്ച പ്രകടനം കാഴ്ചവച്ച അർജുൻ അശോകനെയാണ് അധികാര ദുർവിനിയോഗത്തിൻ്റെ ദുഷിച്ച കരങ്ങളിൽ പെട്ട് പ്രതീക്ഷയറ്റ് ജീവിച്ച ഒരു സാധു പാണനായി പ്രേക്ഷക ശ്രദ്ധ പിടിച്ചു പറ്റുവാൻ അർജ്ജുനായിട്ടുണ്ട് അദ്ദേഹത്തിൻ്റെ കരിയറിലെ എന്നും ഓർമ്മിക്കപ്പെടുന്ന കഥാപാത്രമായി തേവർ ഓർമ്മിക്കപ്പെടും എന്നതിൽ സംശയമില്ല , കൊടുമൺ പോറ്റിയുടെ ഇല്ലത്തിൻ്റെ മേൽനോട്ടക്കാരനാരനായി പാചകക്കാരനായി സിദ്ധാർത്ഥ് ഭരതനും അരങ്ങ് തകർക്കുന്നുണ്ട് തൻ്റെ നാർച്ചുറൽ അഭിനയം കൊണ്ട് കഥാപാത്രത്തിന് ഒരു പ്രത്യേക ജീവൻ നൽകുവാൻ സിദ്ധാർഥിന് കഴിഞ്ഞിട്ടുണ്ട് , പ്രധാനമായും 3 കഥാപാത്രങ്ങൾ മാത്രമാണ് ചിത്രത്തിലുള്ളത് അത് കൊണ്ട് തന്നെ ഓരോ ഫ്രയിമുകളിലും മത്സരിച്ചു അഭിനയിക്കുക എന്നല്ലാതെ വേറെ ഒരു വഴി ഈ 3 പേർക്കും ഉണ്ടായിരുന്നില്ല എന്നതാണ് സത്യം , ഇവരെ കൂടാതെ മണികണ്ഠൻ ആചാരി , അമാൾഡ ലിസ് എന്നിവരും ചിത്രത്തിലുണ്ട് ചെറിയ ഭാഗങ്ങൾ ആയിരുന്നു എങ്കിൽ കൂടെയും അവർ അവരുടെ ഭാഗം മികച്ചതക്കിയിട്ടുണ്ട് 

🔻സിനിമയുടെ പിന്നണിയിലേക്ക് വരുമ്പോൾ എടുത്തു പറയേണ്ടത് ക്രിസ്റ്റോ സേവ്യർ ഒരുക്കിയ ഗാനങ്ങളും പശ്ചാത്തല സംഗീതവുമാണ് ഒരു ഹൊറർ , മിസ്റ്ററി ജോണറിൽ വരുന്ന ചിത്രത്തിലെ പശ്ചാത്തല സംഗീതത്തിൻ്റെ പ്രാധാന്യം എടുത്തു പറയേണ്ടതില്ലലോ തൻ്റെ മികവാർന്ന സംഗീതത്തിൻ്റെ തീവ്രത കൊടുമൺ പോറ്റിയ്ക്ക് കൊടുത്ത ബിൽഡ് അപ്പ് ചെറുതൊന്നുമല്ല , പ്രേക്ഷകരെ ഭീതിയുടെ കൊടുമുടിയിലേക്കും അവിടെ നിന്നും ആസ്വാദനത്തിൻ്റെ മറ്റൊരു തലത്തിലേക്കും കൊണ്ടു പോകുവാൻ ക്രിസ്റ്റോ സേവ്യറിൻ്റെ സംഗീതത്തിന് കഴിഞ്ഞിട്ടുണ്ട് ഈ സിനിമയ്ക്ക് വേണ്ടി അദ്ദേഹം നിർമ്മിച്ച The Age Of Madness എന്ന സ്കോർ ചിത്രത്തിൻ്റെ റിലീസിന് മുൻപ് തന്നെ പ്രേക്ഷക പ്രീതി പിടിച്ചു പറ്റിയിരുന്നു , പൂർണമായും മോണോ ക്രോം ക്യാമറയിൽ ഷൂട്ട് ചെയ്ത ചിത്രത്തിൻ്റെ ഓരോ ഫ്രെയിമും ജീവൻ തുളുമ്പുന്നവയായിരുന്നു , ജീവൻ തുളുമ്പുന്ന ഓരോ ഫ്രയിമുകളുടെ പുറകിലും ഷെഹനാദ് ജലാൽ എന്ന ചായഗ്രഹൻ്റെ കരങ്ങളായിരുന്നൂ , രാഹുൽ സദാശിവനും ടി.ഡി രാമകൃഷ്ണനും ചേർന്നാണ് ചിത്രത്തിൻ്റെ തിരക്കഥ എഴുതിയിട്ടുള്ളത് അതിൽ തന്നെടി.ഡി രാമകൃഷണൻ്റെ സംഭാഷണങ്ങൾ ഒന്നും പറയാനില്ല വളരെ മികച്ചതായിരുന്നു , ഷഫീഖ് മുഹമ്മദ് അലിയായിരുന്നു ചിത്രത്തിൻ്റെ എഡിറ്റിംഗ് , നെറ്റ് ഷിഫ്റ്റ് സ്റ്റുഡിയോസിൻ്റെ ബാനറിൽ എസ്.ശശികാന്തും രാമചന്ദ്രയും കൂടിയാണ് ചിത്രം നിർമ്മിച്ചിരിക്കുന്നത്

Duration : 2h 19 m

Genre : Horror, Mystery, Thriller 

My Rating : ★★★★☆ 1/2

🔻തണ്ണീർ മത്തൻ ദിനങ്ങൾ , സൂപ്പർ ശരണ്യ എന്നീ സൂപ്പർ ഹിറ്റ് കോമഡി എൻ്റർടെയ്നർ സിനിമകൾ മലയാളി പ്രേക്ഷകർക്ക് സമ്മാനിച്ച ഗിരീഷ് എ. ഡി എന്ന സംവിധായകനിൽ നിന്നും വീണ്ടുമൊരു കോമഡി എൻ്റർടെയ്നർ സിനിമ എത്തുന്നു , ഒരു പ്രേക്ഷകൻ എന്ന നിലയിൽ എന്നെ തീയേറ്ററിൽ എത്തിക്കുവാൻ ഇത് തന്നെ ധാരാളമായിരുന്നു , എൻ്റെ പ്രതീക്ഷകൾക്കും മുകളിൽ ചിരിപ്പിക്കാനും രസിപ്പിക്കുവാനും ചിത്രത്തിന് ആയി എന്നുള്ളത് ആദ്യം തന്നെ പറയട്ടെ പുതു തലമുറയുടെ ജീവിതം അവരുടെ ഭാഷയോട് പൂർണ്ണമായും നീതി പുലർത്തിക്കൊണ്ട് സിനിമകൾ നിർമ്മിക്കുന്നു എന്നുള്ളത് സംവിധായകൻ്റെ എടുത്ത് പറയേണ്ട പ്രത്യേകത തന്നെയാണ് മുൻപ് ഇറങ്ങിയ രണ്ടു സിനിമകളും ഈ പറഞ്ഞ അഭിപ്രായത്തോട് പൂർണമായും യോജിക്കുന്നവയയായിരുന്നു എങ്കിൽ മൂന്നാമത്തെ ചിത്രമായ പ്രേമലുവും അങ്ങനെ തന്നെയാണ് സിനിമയിലെ പല സീനുകളും ഈ തലമുറയുടെ ഭാഗമായ എനിക്ക് എവിടെയൊക്കെയോ എൻ്റെ ജീവിതത്തിലും കടന്നു പോയ നിമിഷങ്ങളുമായി കൂട്ടി ചേർക്കുവാൻ സാധിക്കുന്നുണ്ട് , ആദ്യ ചിത്രമായ തണ്ണീർ മത്തൻ ദിനങ്ങളിൽ സ്കൂൾ കാലഘട്ടത്തിലെ യുവതലമുറയെയും സൂപ്പർ ശരണ്യയിൽ കോളേജ് കാലഘട്ടം ആഘോഷിക്കുന്ന യുവതലമുറയെയും പ്രേക്ഷകർ കണ്ടൂ എങ്കിൽ പ്രേമലുവിലേക്ക് എത്തുമ്പോൾ പ്രേക്ഷകർക്ക് കാണുവാൻ സാധിക്കുന്നത് കോളേജ് പഠനം പൂർത്തിയാക്കി ജീവിതത്തെക്കുറിച്ചും കരിയറിനെക്കുറിച്ചും ചിന്തിക്കുന്ന യുവതലമുറയെയാണ്, അത്രയ്ക്ക് മനോഹരമാണ് ഗിരീഷ് എന്ന സംവിധായകൻ്റെ സിനിമാറ്റിക് ജേർണി

 Storyline

🔻കഥയിലേക്ക് വരുമ്പോൾ തമിഴ് നാട്ടിൽ നിന്നും എഞ്ചിനീയറിംഗ് ബിരുദം പൂർത്തിയാക്കി നാട്ടിൽ തിരിച്ചെ ത്തിയിരിക്കുന്നയാളാണ് ആലുവക്കാരനായ സച്ചിൻ , എത്രയും പെട്ടെന്ന് നാടുകടക്കണം എന്നും തൻ്റെ ഭാവി യൂ.കെ യിൽ പോയി സെറ്റിൽ ആവണം എന്നുമാണ് കഥാപാത്രത്തിൻ്റെ ആഗ്രഹം , എങ്കിൽ നിർഭാഗ്യവശാൽ ആദ്യത്തെ ഇൻ ടേക്കിൽ സച്ചിന് വിസ കിട്ടാതെ വരുന്നു , അങ്ങനെ വിഷമത്തിൽ ആവുന്ന സച്ചിൻ്റെ മുന്നിലേക്ക് M.Tech admission ന് വേണ്ടിയുള്ള GATE പരീക്ഷയുടെ കോച്ചിംഗ് എന്ന ഓപ്ഷനുമായി തൻ്റെ ബാല്യകാല സുഹൃത്തും സഹപാഠിയായ അമൽ തോമസ് എത്തുന്നു , ഈ സങ്കടങ്ങളിൽ നിന്നും ഒന്ന് കര കയറാനും നാട്ടിൽ നിന്നും ഒന്ന് മാറി നിൽക്കുവാനും വേണ്ടി ഒട്ടും താൽപര്യം ഇല്ലായിരുന്നിട്ട് കൂടിയും അമലിൻ്റെ കൂടെ സച്ചിനും ഹൈദരാബാദിലേക്ക് വണ്ടികയറുന്നു, അങ്ങനെ പ്രത്യേകിച്ച് യാതൊരുവിധ ലക്ഷ്യങ്ങളുമില്ലാതെ നടക്കുന്ന സച്ചിൻ അവിടെ ഒരു കല്യാണ ചടങ്ങിൽ വെച്ച് റീനു എന്ന പെൺകുട്ടിയെ കണ്ട് മുട്ടുന്നു , സച്ചിൻ എന്ന ചെറുപ്പക്കാരനെ വെച്ച് നോക്കുമ്പോൾ പൂർണമായും വ്യത്യസ്തമാണ് റീനുവിൻ്റെ ജീവിതം നാട്ടിൽ തന്നെ പഠനം പൂർത്തിയാക്കിയതിന് ശേഷം ജീവിതം ആസ്വദിക്കാനും ഹൈദരാബാദ് എന്ന വലിയ നഗരം എക്സ്പ്ലോർ ചെയ്യുവാനും വേണ്ടി അവിടുത്തെ തന്നെ വലിയൊരു I T കമ്പനിയിലെ ജോലിക്കും വേണ്ടിയാണ് റീനു ആ നഗരത്തിലേക്ക് എത്തിയത് , റീനുവിനെ സംബന്ധിച്ചെടുത്തോളം തൻ്റെ 30 മത്തെ വയസ്സുവരെയുള്ള കാര്യങ്ങളെ ക്കുറിച്ച് വരെ കൃത്യമായ പ്ലാനിങ്ങും ലക്ഷ്യണങ്ങളുമുള്ള സ്മാർട്ട് ആയ ഒരു പെൺകുട്ടിയാണ് എന്നാൽ ഇപ്പുറത്ത് സച്ചിൻ ആവട്ടെ നാളെ എന്ത് ചെയ്യണം എന്നുപോലും കൃത്യമായ ധാരണയില്ല എന്നാൽ ആകെ ലക്ഷ്യമായുള്ളത് റീനുവിനോടുള്ള ഇഷ്ട്ടം മാത്രമാണ് , ഇവിടെ സച്ചിന് പ്രധാന വെല്ലുവിളിയായുള്ളത് റീനുവിൻ്റെ ഓഫീസിലെ ടീം ഹെഡും കരിയറിൽ ഉയർച്ച കൈവരിച്ചയാളുമായ ആദി എന്ന കഥാപാത്രമാണ് രണ്ടുപേർ തമ്മിലുള്ള തമാശ കലർന്ന മത്സരങ്ങളും റീനുവിൻ്റെയും സച്ചിൻ്റെയും അമലിൻ്റെയും സൗഹൃദങ്ങളുമൊക്കെയാണ് സിനിമയുടെ സാരാംശം

Cast&Crew

🔻സച്ചിൻ എന്ന ചെറുപ്പക്കാരനായി നസ്ലൻ എപ്പോഴത്തേത് പോലെയും തൻ്റെ റോൾ മികച്ചതാക്കിയിട്ടുണ്ട് നസ്ലൻ സ്ഥിരമായി ചെയ്തു വരുന്ന ആ ഒരു പാറ്റേൺ തന്നെ ആയതിനാൽ തന്നെ തൻ്റെ കഴിവിൻ്റെ മാക്സിമം കൊടുക്കുവാൻ നസ്ലന് ഇവിടെയും സാധിച്ചിട്ടുണ്ട് , തണ്ണീർ മത്തൻ ദിനങ്ങൾ മുതൽ മലയാളി പ്രേക്ഷകർ രണ്ടു കയ്യോടെ സ്വീകരിച്ച നെസ്ലൻ മാജിക് നമുക്ക് പ്രമലുവിലും കാണുവാൻ സാധിക്കും . പ്രേമലുവിൻ്റെ ജീവനായ കഥാപാത്രമായ റീനുവായി മമിത ബൈജുവും തൻ്റെ പ്രകടനം മികവുറ്റതാക്കി നസ്ലൻ- മമിത കോമ്പോയെ പ്രേക്ഷകർ ഇരുകയ്യും നീട്ടി സ്വീകരിക്കും എന്നുള്ളതിൽ യാതൊരു സംശയവമില്ല, പ്രമലുവിൻ്റെ ജീവൻ നസ്ലൻ്റെയും മമിതയുടെയും പ്രണയവും സൗഹൃദം ആണ് എങ്കിലും , സിനിമയിൽ തങ്ങളുടെ പ്രകടനം കൊണ്ട് മാത്രം സ്കോർ ചെയ്ത വേറെ ചിലരുണ്ട് , അവരെക്കുറിച്ച് എടുത്ത് പറയാതെ ഈ നിരൂപണം ഒരിക്കലും പൂർത്തിയാവുകയില്ല അതിൽ പ്രധാനപ്പെട്ടതാണ് റീനുവിൻ്റെ ടീം ഹെഡ് ആയ ആദി എന്ന കഥാപാത്രത്തെ അവതരിപ്പിച്ച ശ്യാം മോഹൻ , തൻ്റെ അഭിനയ ശൈലി കൊണ്ടും ഡയലോഗ് ഡെലിവറി കൊണ്ടും ഏതൊരു ബന്ധത്തെയും ടോക്‌സിക്കായിൻ മാത്രം സമീപിച്ചുകൊണ്ട് മറ്റുള്ളവരുടെ മുന്നിൽ മിസ്റ്റർ പെർഫെക്റ്റ് ആയി അഭിനയിക്കുന്ന ആദിയെന്ന കഥാപാത്രമായി ചിത്രത്തിൽ മികച്ച അഭിനയം തന്നെയാണ് സിനിമയിൽ കാഴ്ചവെച്ചിരിക്കുന്നത്, ഒരു ചെറു പുഞ്ചിരിയിൽ പോലും തൻ്റെ ടോക്‌സിസിറ്റി പ്രകടമാക്കി പ്രേക്ഷകരിലേക്ക് ഇറങ്ങി ചെല്ലുവാൻ ശ്യാമിന് പറ്റിയിട്ടുണ്ട് , പിന്നീട് എടുത്ത് പറയേണ്ടത് നസ്ലൻ്റെ ഉറ്റ ചങ്ങാതിയായി അമൽ ഡേവിസ് എന്ന കഥാപാത്രത്തെ അവതരിപ്പിച്ച സംഗീത് പ്രതാപാണ്, സച്ചിൻ എന്ന കഥാപാത്രത്തിനു വേണ്ട എല്ലാ തരത്തിലുള്ള മാർഗ്ഗ നിർദ്ദേശങ്ങളും സമ്മാനിച്ച് ചിരിയുടെ മാലപ്പടക്കം സമ്മാനിച്ചു തൻ്റെ കരിയറിലെ മികച്ച കഥാപാത്രം തീർക്കുവാൻ സംഗീതിന് സാധിച്ചിട്ടുണ്ട് സിനിമ കണ്ടിറങ്ങുന്ന ഒരു പ്രേക്ഷകനും അമൽ ഡേവിസിനെ മറക്കുകയില്ല അത്ര മികച്ചതാണ് ആ കഥാപാത്രം , ചൂരൽ എന്ന ഗംഭീര ടീമിലൂടെ സോഷ്യൽ മീഡിയയിലൂടെ മലയാളി പ്രേക്ഷകർക്ക് സുപരിചിതനായ ഷമീർ ഖാൻ ചെയ്ത സുബിൻ എന്ന കഥാപാത്രവും തീയേറ്ററുകളിൽ വലിയ കയ്യടി നേടുന്നുണ്ട് , ഈ ചിരി വിരുന്നിൽ ഷമീറിൻ്റെ tit for tat എന്നത് പോലെയുള്ള നർമ്മം കലർന്ന മറുപടികൾ വലിയ പ്രാധാന്യം അർഹിക്കുന്നുണ്ട് , മീനാക്ഷി ചെയ്തു വാണ്ടർ ലസ്റ്റ് എന്ന കഥാപാത്രവും വലിയ ഡയലോഗുകൾ ഇല്ലെങ്കിലും ഉള്ള ഭാഗങ്ങളിൽ തൻ്റെ അക്ടിങ്ങിലൂടെ പ്രേക്ഷകർക്ക് ചിരി സമ്മനിക്കുന്നുണ്ട് , നസ്ലൻ സിനിമകളിൽ ഒഴിച്ച് കൂടാനാവാത്ത ഒരു വ്യക്തിയാണ് മാത്യൂസ് , മാത്യൂസ് എവിടെയൊക്കെയോ സമ്മാനിക്കുന്ന ചെറിയ നർമ്മ മുഹൂർത്തങ്ങൾ ഒഴിച്ച് നിർത്തിയാൽ കഥാപാത്രത്തിന് വലിയ പ്രാധാന്യം സിനിമയിലില്ല ഇവരെ കൂടാതെ അൽത്താഫ് സലീം, അഖില ഭാർഗവൻ തുടങ്ങി വലിയൊരു താര നിര തന്നെ ചിത്രത്തിനുണ്ട് , ഇത്രയും മികവാർന്ന കലാകാരന്മാരുടെ കൂട്ടായ പരിശ്രമത്തിൻ്റെ വിജയം തന്നെയാണ് പ്രമലു എന്ന ഈ സിനിമ എന്ന് നിസംശയം പറയാം 

🔻സിനിമയുടെ പിന്നണിയിലേക്ക് വരുമ്പോൾ പുതു തലമുറയുടെ കൂട്ടുകെട്ടും ഹൈദരബാദ് എന്ന നഗരത്തിൻ്റെ സൗന്ദര്യവും ഒപ്പിയെടുക്കുവാൻ അജ്മൽ സാബു എന്ന ഛായാഗ്രാഹന് സാധിച്ചിട്ടുണ്ട് , മനോഹര ഫ്രയിമുകൾക്കിക്ക് പുതു ജീവൻ നൽകുവാൻ വിഷ്ണു വിജയിയുടെ ഗാനങ്ങൾക്കും പശ്ചാത്തല സംഗീതത്തിനും കഴിയുന്നുണ്ട് , ആകാശ് ജോസഫ് വർഗീസാണ് ചിത്രത്തിൻ്റെ എഡിറ്റർ , ഗിരീഷ് എ.ഡി എന്ന സംവിധായകനോനോടൊപ്പം ചേർന്ന് കിരൺ ജോസിയാണ് ചിത്രത്തിന് ആസ്പദമായ കഥയെഴുതിയത് , ഭാവന സ്റ്റുഡിയോസിൻ്റെ ബാനറിൽ ഫഹദ് ഫാസിൽ ദിലീഷ് പോത്തൻ , ശ്യാം പുഷ്ക്കരൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത് 

Duration : 2h 36m

Genre : Comedy , Romance

My Rating : ★★★★☆ 1/2

🔻കഥയിലേക്ക് വരുമ്പോൾ ഇന്ത്യൻ എയർ ഫോഴ്സിലെ ഏറ്റവും ശക്തരായ ഏത് ആക്രമത്തെയും ചെറുത്ത് നിൽക്കുവാൻ കഴിവുള്ള ഒരു ടീം ,റോക്കി എന്ന് വിളിപ്പേരുള്ള രാകേഷ് ജയ് സിംഗാണ് ടീമിൻ്റെ കമ്മാൻ്റിങ് ഓഫീസർ , ഷംശീർ പട്ടാനിയ, മിനാൽ റാത്തോർ , സർത്താജ് ഗിൽ , ബഷീർ ഖാൻ തുടങ്ങിയവരാണ് ടീം അംഗങ്ങൾ ഓരോരുത്തരും ഇന്ത്യൻ എയർ ഫോഴ്സിൻ്റെ മികച്ച ഫൈറ്റർ ജെറ്റ് പൈലറ്റ്മാരാണ് , അങ്ങനെ ഇരിക്കുമ്പോഴാണ് ശ്രീനഗറിലെ പുൽവാമ എന്നിടത്ത് വെച്ച് ഒരു ഭീഗര സംഘടന ഇന്ത്യൻ ആർമിയുടെ സീ.ആർ.പി എഫ് ഉദ്ധ്യോഗസ്ഥർ സഞ്ചരിക്കുന്ന ബസ്സുകളെ ആക്രമിക്കുന്നത് ആക്രമണത്തിൽ നിരവധി ജവാൻ മാർ മരണമടയുകയും ഒത്തിരിപേർക്ക് പരിക്കുകൾ പറ്റുകയും ചെയ്യുന്നു , ഇന്ത്യയുടെ അഭിമാനം കാക്കുവാൻ വേണ്ടി റോക്കിയുടെ നേതൃത്വത്തിലുള്ള എയർ ഫോഴ്സ് ടീം പാകിസ്താൻ്റെ ബോർഡർ താണ്ടുന്നു പിന്നീടുള്ള ആക്രമണങ്ങളും ഇന്ത്യൻ സൈനികരും ഭീഗരരും തമ്മിലുള്ള പോരട്ടങ്ങളുമാണ് സിനിമയുടെ സാരാംശം 

Cast&Crew

🔻ടീമിലെ ഏറ്റവും മികവുറ്റതും കരുത്തനുമായ പാറ്റീ അഥവാ ശംഷീർ പട്ടാനിയ യായി ഹൃതിക് റോഷൻ ഇപ്പോഴത്തേത് പോലെയും തൻ്റെ കഴിവ് തെളിയിച്ചിട്ടുണ്ട് അതി ഗംഭീര സ്ക്രീൻ പ്രസൻസ് തന്നെയാണ് ഹൃദിക്കിൻ്റെ പ്രത്യേകത , മറ്റൊരു ടീം അംഗമായ മിന്നി എന്ന കഥാപാത്രമായി ദീപിക പദുകോൺ മികവ് തെളിയിച്ചിട്ടുണ്ട് ഹൃദിക്കിൻ്റെയും ദീപികയുടെയും കഥാപാത്രങ്ങൾ തമ്മിലുള്ള കെമിസ്ട്രി നല്ലത് പോലെ വർക്ക് ആയിട്ടുണ്ട് പല സീനുകളിലും അത് ചിത്രത്തെ മറ്റൊരു തലത്തിലേക്ക് എത്തിച്ചിട്ടുണ്ട് , സ്പെഷ്യൽ ടീമിൻ്റെ കമ്മാൻ്റിങ് ഓഫിസറായ രാകേഷ് ജയിസിങ് ആയി അനിൽ കപൂർ മികച്ച ഒരു വേഷം ചെയ്തിട്ടുണ്ട് എടുത്ത് പറയേണ്ടത് സർത്താജ് ഗിൽ എന്ന കഥാപാത്രത്തിലൂടെ തൻ്റെ കരിയറിലെ തന്നെ മികച്ച പ്രകടനങ്ങളിൽ ഒന്നാണ് കരൺ സിംഗ് ഗ്രോവർ ചെയ്തത് പ്രേക്ഷകരെ ഇമോഷണലി കണക്ട് ചെയ്യുന്ന നിമിഷങ്ങൾ സൃഷ്ടിക്കുവാൻ കരണിൻ്റെ സർത്താജ് എന്ന കഥാപാത്രത്തിനായിട്ടുണ്ട് ഇവരെ കൂടാതെ Akshai Oberoi, Rishabh Sawhney , Banveen Singh , Mahesh Shetty, Seerat Mast, Geeta Agarwal Sharma, Ashutosh Rana തുടങ്ങി ഒരു നീണ്ട താര നിര തന്നെ ചിത്രത്തിനുണ്ട് 

🔻ചിത്രത്തിൻ്റെ സാങ്കേതിക വഷങ്ങളിലേക്ക് കടക്കുമ്പോൾ അത്യുഗ്രൻ ഗ്രാഫിക് രംഗങ്ങളാണ് ചിത്രത്തിലുള്ളത് ഈ ഒരു ചെറിയ ബഡ്ജറ്റിലും ഹോളിവുഡ് ചിത്രങ്ങളോട് കടപിടിക്കുന്ന ഗ്രാഫിക് രംഗങ്ങൾ ഒരുക്കിയ ഗ്രാഫിക്സ് ടീം വലിയൊരു കയ്യടി അർഹിക്കുന്നുണ്ട് , സഞ്ചിത് ,അങ്കിത് എന്നിവരാണ് ചിത്രത്തിൻ്റെ പശ്ചാത്തല സംഗീതം ഒരുക്കിയിരിക്കുന്നത് ആക്ഷൻ രംഗങ്ങൾക്ക് ഇത്രയേറെ പ്രാധാന്യമുള്ള ചിത്രത്തിൽ പശ്ചാത്തല സംഗീതത്തിൻ്റെ പ്രസക്തി എത്രത്തോളം ഉണ്ട് എന്ന് പറയേണ്ടതില്ലല്ലോ പ്രേക്ഷകരെ പിടിച്ചിരുത്തുന്ന കാര്യത്തിൽ സഞ്ചിതിൻ്റെ സംഗീതത്തിനു വലിയൊരു പങ്കുണ്ട് എന്നത് എടുത്ത് പറയേണ്ടതാണ് , ജീവനുള്ള ഓരോ ഫ്രെയിമും ഒപ്പിയെടുക്കാൻ സച്ചിത് പൗലോസിൻ്റെ ക്യാമറയ്ക്ക് കഴിഞ്ഞിട്ടുണ്ട് എന്നുള്ളത് വലിയൊരു പ്രത്യേകത തന്നെയാണ് അത് ചിത്രത്തെ ആസ്വാദനത്തിൻ്റെ വേറൊരു തലത്തിലേക്ക് എത്തിച്ചിട്ടുണ്ട് 

🔻പൊതുവേ കണ്ട് വരുന്ന ആർമി ചിത്രങ്ങളുടെ സമാനമായ കഥയാണ് എങ്കിൽ കൂടിയും ആക്ഷൻ രംഗങ്ങളും കഥ പറയുന്ന രീതിയും പുതുമയുള്ളതായി അനുഭവപ്പെട്ടു എന്നുള്ളത് എടുത്ത് പറയേണ്ട കാര്യം തന്നെയാണ് മറ്റുള്ള ആക്ഷൻ സിനിമകളിൽ നിന്നും വ്യത്യസ്തമായി പ്രേക്ഷകരെ ഇമോഷണലി കണക്ട് ചെയ്യിക്കാൻ സംവിധായകന് കഴിഞ്ഞിട്ടുണ്ട് എന്നുള്ളതും മറ്റൊരു പ്രത്യേകഥയാണ് , അതോടൊപ്പം ആക്ഷൻ സിനിമകളിൽ കണ്ട് വരുന്ന പുരുഷ മേൽക്കോയ്മ ഈ ചിത്രത്തിലില്ല എന്നുള്ളത് എടുത്ത് പറയേണ്ട മറ്റൊരു കാര്യമാണ് തൻ്റെ രാജ്യത്തിന് വേണ്ടി പുരുഷന്മാർ ചിത്രത്തിൽ ആകാശത്തിൽ ഫൈറ്റർ ജെറ്റുകൾ പറത്തുമ്പോൾ കൂടെ അതെ പോലെ തന്നെ സ്ത്രീകളും പുരുഷന് തുല്യമായി പങ്കെടുക്കുന്നു എന്നുള്ളത് സിനിമയുടെ നല്ലൊരു പോസിറ്റീവ് വശമാണ്

Duration : 2h 40 m

Genre : Action , Adventure, Drama 

My Rating : ★★★☆☆ 1/2